更新時間：18:15 2026-01-16
發佈時間：18:15 2026-01-16
發佈時間：18:15 2026-01-16
早前，性感尤物、37歲的崔碧珈（Anita）同58歲的「大隻Rocky」鄭健樂的感情關係，搞到東姑頭都暈埋，Rocky先是心急宣示主權，於社交網站tag女方表示「戀愛中」。男嘅進擊，可惜女嘅明顯唔接受這份愛，崔碧珈馬上否認戀情，但又被網民指她「𡁻完鬆」，又話佢哋係「SP關係」。早前，《東周刊》就爆指Rocky絕非「單純男」而是「心機男」，搞出咁大單緋聞都並非因「單純」而致。而被死纏不休的崔碧珈情緒受到嚴重困擾，同朋友傾傾下偈都發忍不住落淚，我見猶憐！
雖然崔碧珈情緒受影響，但相信時間可以沖淡一切，昨晚 ( 1月15日 ) 東姑同朋友去《瞳心同行 · 讓夢高飛》慈善音樂會，就見到崔碧珈、黃心穎、張彥博等等都有現身活動，為慈善出心出力、不遺餘力，當晚所見擔任表演嘉賓的崔碧珈同獨立歌手兼舞蹈導師王漢勛（Dave）來個火辣熱舞，狀態甚勇，贏得台下不少掌聲。而Dave除了是獨立歌手兼舞蹈導師外，佢更加係星級排舞師Sunny Wong的得意門生，除舞蹈底子高強，都好用心製作歌曲，過往曾推出過多首單曲，可以話係有實力之人。
另外，同為表演嘉賓的黃心穎，當晚就以一身中性黑式禮服示人，在台上自彈自唱，精采演出，都真係畀到唔少驚喜東姑呀！
最Hit
