更新時間：15:13 2026-01-14
發佈時間：15:13 2026-01-14
發佈時間：15:13 2026-01-14
周末好去處2026｜今年個深圳又有新地標，港人北上又有好去處啦！深圳羅湖水庫綠道二期新開嘅湖光塔，直接將「未來感打卡地」直送眼前！這座近期深圳頂流網紅地標，鄰近剛通車嘅深圳水庫綠道二期，沿途景觀超正，對於鍾意北上尋新景點嘅港人嚟講簡直係福音！簡約白色塔身搭配設計感旋轉樓梯，科幻感拉滿，仲可俯瞰深圳水庫靚景同城市天際線，個個打卡位都靚到暈，隨手影都出片！即睇詳情！
一、推薦地點！湖光塔周邊3大必打卡靚景
湖光塔周邊不止得塔身好拍，仲有空中綠道同河狸樂園兩大靚景相伴！無論你喜歡拍攝氛圍大片、休閒散步，還是帶小朋友親子遊玩，都能滿足需求，以下就為大家詳細介紹呢三個必打卡點！
- 湖光塔本塔：白色旋轉樓梯可謂点睛之笔！從下往上仰拍，線條感直接拉滿，藍天做背景嘅話光影效果絕咗。搭電梯上塔頂觀景台，仲可以360度欣賞深圳水庫嘅湖光山色，遠處青山同湖水相映，隨手一拍都係氛圍感大片。塔下嗆環湖水道都不容錯過，綠色草植搭配藍色湖水，輕輕鬆鬆拿捏日系小清新風。
- 空中綠道：從湖光塔行到翠湖文體公園嘅空中綠道都超有感覺，將湖光山色同城市景觀完美連接。可以揸單車暢遊，又或者慢慢步行欣賞風景，吹住微風超舒服，沿途仲有不少休憩點可以坐低歇一歇。
空中花園（圖源：小紅書）
空中花園（圖源：小紅書）
- 河狸樂園：如果帶小朋友嚟，一定要去童趣滿滿嘅河狸樂園！這裡佔地247000平方米，設有寓教於樂嘅遊樂設施，仲係寵物友好公園，大片草坪可露營野餐、玩飛盤，緊鄰深圳水庫可遠眺梧桐山，而家落羽杉已經紅曬，整個樂園就像童話世界一樣。
推薦遊玩路線：
東湖公園西大門—湖光塔—翠湖文體公園—淘金山綠道
全程耗时：約3個鐘（平路為主，難度低，適合各年齡層）
全長：2.22公里
二、交通資訊：
深圳羅湖新地標——湖光塔
地址：廣東省深圳市羅湖區黃貝街道愛國路4006號
從香港出發：
羅湖口岸過關：轉乘深圳地鐵5號線至太安站C/E口出，步行約15分鐘抵達東湖公園西大門，入門直行不遠即見到湖光塔。
福田口岸過關（落馬洲）：搭乘深圳地鐵4號線至會展中心站，轉乘5號線至太安站C/E口出，步行約15分鐘抵達東湖公園西大門，入門直行不遠即見湖光塔。
自駕指南：導航「湖光塔」即可，附近設有停車位；周末建議10點前到達，停車位更充足。
三、遊園Tips：
門票與預約：全程免費入場，無需提前預約，直接到場即可參觀打卡。
時間建議：全程遊覽約3個鐘，建議早上10點前到達，錯峰出行人少不擠，影相更自在，還能避開正午烈日。
飲食準備：沿途有小販擺賣飲品和食物，無需擔心購買問題；建議自備少量水和小食，方便隨時補充體力。
衣物與防護：深圳冬天風較大，尤其水庫邊，建議帶定外套保暖；陽光充足時紫外線強，記得做好防曬措施。
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
最Hit
