發佈時間：17:57 2024-09-23
不少父母都會請外傭幫忙照顧BB，但外傭質素參差，小心隨時所託非人！一名母親20日便在facebook群組「聘請工人姐姐關注組」上載兩段監控影片，驚揭「工人姐姐已經多次整親我個仔，除咗呢2次有幾次都係跌親個頭，有次仲撞到嘴唇流（血）腫晒」，發帖向網友求助，了解是否可告虐兒。
樓主發布的其中1段14秒長影片，拍攝於本月20日。畫面可見，外傭正帶著少主人一同做家務，但她伸手拿膠兜時已疑似不慎撞到少主人頭部，而少主人站著的膠凳腳正慢慢傾斜，少主人無助地扶著櫃邊卻仍然跌倒地上，膠凳更是反轉，四腳朝天。
另一段長約22秒的影片則攝於4月19日，片中可見，外傭在客廳推著坐於轉轉電腦凳上的少主人，但沒兩步便失去平衡，致連人帶椅一同跌倒，先是自己頭部撞向櫃角，連帶電腦凳和少主人也一同倒地，嚇得少主人嚎啕大哭，外傭定神後連隨抱起安撫。
樓主驚揭開工5日 BB「已經跌過5次」
帖子引發網友關注，樓主隨後在評論中爆出更多訊息，指「下面條片係4月19（日），只係返咗工5日，已經開始教，到上片係今日（9月20日），中途已經跌過5次，每次都有教，佢都係咁」、「佢以前有湊過6、7歲嘅小朋友，佢自己有個7歲嘅女，但佢真係冇危險意識，無耐性」。
有網友隨即回應﹕「其實跌咗咁多次唔換另外一個工人呢？」「第一次都已經炒啦，仲忍到多次」、「點解你仲容許到多次？呢個人完全係0安全意識，一次已經炒得。如果BB個頭落地會點？仲要畀機會佢繼續犯錯？」網友紛紛建議樓主將外傭解僱，樓主則解釋稱﹕「第一次因為做咗5日，所以教下先，其實呢一兩個月都搵緊工人，不過一直都唔啱。」
有網友則在一片責罵外傭的聲音中冷靜分析，指「條片中嘅工人好有問題，完全冇意識去保護小朋友：第一，張灰色椅一睇就知搖搖晃晃，點解仲畀小朋友企上去？第二，電腦椅係畀大人坐，一定唔穩，點解可以畀佢用來玩？第三，佢太後生，睇得出佢完全冇湊B經驗。第四，佢自己有冇小朋友？同小朋友玩完跌親都冇即時哄返BB，睇得出佢冇咩愛心，Sorry唔知有冇講？」
至於樓主問是否涉及虐兒一事，有熱心網友在網上搜尋相關資訊後表示，「就咁睇，其實有條罪叫做疏忽照顧兒童，即係疏忽看管令到佢身體受傷（當然告唔告得入就係另一回事）」。
有網友為外傭說話﹕見佢其實好錫BB
也有網友為外傭說話，指「見佢其實好錫BB好想同佢玩，但係冇咩危險意識。見BB跌到後佢都好驚BB整親，建議用耐性教佢多少少，因為好工人唔係咁易搵，尤其錫BB。最擔心工人，人前人後兩個人。至少見佢真心錫B」、「睇落都係唔小心多，姐姐心智仲係好後生」。
還有人旁觀者清，指「屋企放咁多嘢，冇乜位走動，意外就多」、「碌碌凳本身已經好危險，我會一早收埋唔畀用」。
