更新時間：16:22 2024-09-23
發佈時間：16:22 2024-09-23
發佈時間：16:22 2024-09-23
昨晚（9月22日）播出的《中年好聲音3之決戰大灣區》，有巫啟賢暫代伍仲衡任評審。新馬賽區的比賽圓滿落幕後，輪到大灣區賽區揭開戰幔，今集有10位參賽者率先登場，當中高菲的歌唱實力值得大家留意外，其外型、聲線及性別也令評審吃驚。
高菲獻出《祝福》天籟女聲真身原來係男人
46歲報稱是自由工作者的高菲獻出《祝福》，身為男兒身的他留有長髮，最特別的是他擁有一把天籟女聲，一開口便技驚四座最終獲五燈！張佳添大讚：「你話係男兒身，你係講真？一個男仔有把咁嘅聲音，係好Amazing！一啲好成功嘅男歌手，通常把聲都係中性、甚至帶點女性化，例如Michael Jackson、周深，呢個係上天賜畀你嘅。」周國豐則說：「作為男兒身，你頭先唱到呢首歌嗰種溫婉，我係嚇咗一跳。」一班網民都大為驚訝：「估唔到，佢連打扮都好女性化」、「根本連個樣都似女！但有乜理由係男？」、「佢一出嚟我仲話佢點解無搽口唇膏？」、「問100個人，應該無兩個話佢係男人」。
高菲海選唱梁詠琪《花火》
其實張佳添、肥媽與周國豐有在大灣區揀選參賽者，因此對高菲早留下印象，當時他在深圳唱梁詠琪的《花火》，不過在上月舉行的140強記招中，高菲以同一樣的打扮現身，當時並未受到注意。
高菲在接受TVB娛樂新聞台訪問時，大爆原來是接納評審的提點，決定用女歌手的歌曲出戰，他表示：「我比較鍾意聽抒情嘅慢歌多啲，呢隻歌我揀嚟係送畀自己嘅屋企人啦、我啲好朋友啦，祝福佢哋！」其實今次大灣區選手綵排時因為信心不足致聲音抖震，表現大失肥媽期望，令她忍不住激動訓話！她直言選手們來到香港錄影現場，水準大跌3、4成，令肥媽失望，鬧醒他們不用怕，要有信心，否則有負評審期望。
最Hit
