做馬主，誰不想覓得良駒，在賽場上連贏奪冠，贏獎金之餘，又可拉頭馬影相威威？

馬主陳家樑，6年前在緣份牽引下，遇上一代馬王「金鎗六十」。自2019年以3歲馬出道後，「金鎗六十」在港共贏得26場頭馬，曾16連勝，其中10場是國際一級賽，共贏得$1.67億港元獎金，成為全球
累積獎金最高的賽駒，更連續三個馬季登上「香港馬王」寶座。

「金鎗六十」創造了馬壇神話，但陳家樑近日卻決定讓愛駒光榮退役，前往日本北海道牧場享受退休生活。

因愛駒在馬壇創造了神級戰績，陳家樑的知名度亦不斷提升。他宣布愛駒退役當日，接受本刊訪問時笑說：「𠵱家出街會有人認得我，會問我可唔可以影幅相；入到馬場，就更多馬迷同我打招呼。可以養到『金鎗六十』，係緣份，看着牠比賽，是我人生最快樂的事之一。牠現在已到9歲，但火氣依然很猛，雖然我係馬主，但有時都唔敢行得太埋㗎，哈哈！」

60歲買馬王

馬會在剛過去的周日（22日），在沙田馬場為「金鎗六十」舉行了一場盛大的榮休歡送儀式。

說起能當上一代馬王的馬主，陳家樑說是緣份，「『金鎗六十』係當年威哥（練馬師呂健威）幫我喺拍賣會拍返來，我預算金額係30萬澳幣（約$140萬港幣），現場都有其他人出價，當時如果對方出多一口價，隻馬可能就唔係嚟香港，而係去咗紐西蘭。」

新馬初來港後，陳家樑為其取名「金鎗六十」。「買牠回來那年，我正好60歲，那時我有隻馬叫『金鎗俠』，於是就諗用金鎗開頭。當時見到馬會梁德基醫生的馬名叫『快樂八十』、『快樂一百』，諗諗吓，就叫『金鎗六十』。」

陳家樑笑稱，那時還未知隻馬的潛力，「那時覺得牠跟我養開的馬差不多，只是個鼻有個白色胎記，特別啲！」

但自2019年出賽，一年間已取得十捷佳績，2020年再在打吡大賽奪冠，加上先後贏得香港一哩錦標及冠軍一哩賽等重要賽事，「金槍六十」的名字已響遍馬壇，之後更連續三次登上香港馬王寶座。

吹口哨餵紅蘿蔔

在陳家樑眼中，「金鎗六十」有其獨特個性，「『金鎗六十』每場賽事，當追過其他馬匹後，就會自動收慢，當感覺到有馬追上來，牠又會馬上加速，任何時刻都保持一股拼勁和鬥心，要唔輸，亦唔好贏咁盡！

「不過牠在疫情時也輸過兩場，一場跑第二，一場跑第三，因為疫情時馬主入唔到場，又閉門作賽，朋友問：『係咪因為見到唔你所以輸？』我諗又可能係喎，又冇觀眾，咪hea住跑囉。之後有番觀眾入場，佢又真係繼續贏。」

陳家樑又透露，「金鎗六十」很有脾氣，「有時我入馬房探牠，如有其他馬匹行過，牠會立即縮起對耳以示不滿。聽馬房助埋講，平日若有人行過其馬格，牠也會發脾氣。」

問他平日如何與愛駒交流，他說：「我每次入馬房都會吹口哨，牠聽見會郁下耳仔，然後望下我，代表聽到。我次次入去都會餵紅蘿蔔，牠會認得呢個人入到嚟會有嘢食，所以都幾雀躍。」

陳家樑自小與馬結緣，於60年代，當時只有6、7歲的他已開始留意賽馬，「小時候，我常在電視機前觀看賽馬節目，當時學校功課不多，每逢周六就暱喺房睇賽馬，記得當年仲係譚炳文講馬。到大概18、9歲出來社會工作，就開始落注買馬，首匹投注贏錢的馬叫『山茶花』，亦從此令我感受到賽馬的刺激。」

太太女兒成粉絲

從事物流生意的他，十多年前，萌生做馬主的念頭。「那時在澳門與一班朋友合資養團體馬，後來在香港入紙抽馬，幸運地中了籤，第一隻馬叫『瀟灑良駒』，從此開始了在港養馬。」

他先後購入「金槍俠」、「金錢炮」等良駒，於2014年初嘗拉頭馬喜悅，後來遇上「金鎗六十」，即令他步上馬主生涯的高峰，也令他和家人添上不少快樂回憶。

「太太以往很少入馬場，但當知道『金鎗六十』有賽事後，她也會一起入場為牠打氣，又問我攞相，搵畫家以油畫方式呈現『金鎗六十』的英姿。女兒知道我入馬房，又會主動要求我帶她去探馬，更會將『金鎗六十』啲相整成emoji俾我send俾朋友；還畫了個馬頭印成T恤和做刺繡章，且買了個白色be@rbrick畫隻馬上去。就連平時唔睇馬的工人姐姐，知道牠出賽，也看直播為牠打氣，諗番起都有趣。一家人都對『金鎗六十』好有感情。」

退役回歸大自然

如今愛駒退役，陳家樑特地為牠挑選了北海道的北方牧場作為頤養天年之地，「養咗五、六年，雖然唔係話日日見住，但一定唔捨得，所以近近哋送佢過去北海道牧場，我哋可以經常去探佢。作為馬主，一生人可以養到這匹寶駒，可以話係心滿意足。未來日子，牠不用再出賽，過番大自然生活，希望牠的火同脾氣逐漸收細啲，他朝有日可以俾我拖着，喺牧場自由自在咁行吓。」