發佈時間：16:00 2025-02-07
踏入蛇年，各行各業都寄望生意興旺，新年勝舊年。
香港百年老字號「蛇王芬」的第四代接班人吳卓姿 (Gigi)，自接掌祖業後，24年來經歷多個大時代，無論2003年沙士，還是2019新冠疫情的海嘯式風浪，一樣頂硬上。
2020年，她和天天飲食集團行政總裁蔡敬庭﹙Charles﹚聯手，在沙田開設年輕副線「四季芬芳」後，更不斷推陳出新，近日又趁着蛇年到來，炮製新派蛇宴賀新歲。
Gigi笑說：「我會將太爺創辦的品牌一直傳承落去，並將食蛇文化年輕化同發揚光大。我做嘢好拼博㗎，可以24by7，係個鐵打神奇女俠，即使遇到挫折，都會笑住起番身。」
蛇王盛事L
今個蛇年，吳卓姿(Gigi)和拍檔蔡敬庭(Charles)食住個勢，研發多款以蛇入饌的賀年新菜，當中包括有「蛇王撈起」、「蛇羹蝦丸」和鎮店「花膠太史五花蛇羹」，還有發財好巿和年年有魚等意頭菜式。這天二人相約試菜，Gigi在場監督蛇羹食材用料和份量，Charles亦提點主廚，新菜式擺盤色彩要夠繽紛，「個『蛇王撈起』要加啲花膠，用料豐盛啲，食材亦要多啲色彩，希望大家食過蛇王盛宴，蛇年都賺到盆滿缽滿。」
Gigi笑稱和Charles關係由客人變朋友，再由朋友變生意拍檔，自2020年開設副線品牌四季芬芳後，她就常常兩邊走，「我平日會在中環老店打點，間中亦會過來沙田這邊巡舖，和Charles一起諗吓有乜新菜式，因為老店最受歡迎是太史五花蛇羮、臘味、燉湯和傳統小炒，來到副線就變成了新派粵菜，如蛇絲沙津，蛇羮蝦丸等，將經典的百年味道變得年輕有活力。」
無論是「蛇王芬」或「四季芬芳」，近年不時獲大品牌商邀聯乘合作，前年跟簿餅店合作，推出限定「大吃一驚蛇羹批」及「驚量猛料雙腸批」，將蛇羹和臘味元素加入西式薄餅上，三個星期賣了三萬多個。去年重點盛事《俠之大者—金庸百年誕辰紀念》中，四季芬芳亦成為合作伙伴，「導賞團在中環看完展覽後，就來四季芬芳品嘗特別設計的下午茶，然後再到沙田文化博物館看另一場展覽，因為小說裏都有不少出現蛇的情節，透過另類方式，提升客人的體驗。因為經常獲邀合作，大家都笑我是『盛事L』。」
掌店24年
Gigi接手家族的「蛇王芬」招牌，不經不覺已踏入24個年頭，她細說這個百年品牌的源起，「我太爺係蛇王吳桂芬，1895年喺廣東南海創立呢個招牌，1940年去到我阿爺嗰代，就來到香港發展，但不久日本仔打到嚟，阿爺就帶住我阿爸走難到廣州，靠四圍捉蛇向蛇餐館轉售維生，期間因經常跟一班廚師打麻雀而熟絡，並結識到前太史公家廚，得到太史蛇羮的秘方。戰後，阿爺同阿爸返嚟香港，喺上環機利文新街擺街邊檔賣蛇，期後再到史丹利街，至1987年搬到中環閣麟街現址，經營至今。」
2001年，大學修讀工商管理的Gigi，原本在美資銀行任職管理層，高薪厚職，但因為父親患上重病，眼見母親辛勞地守着祖業，她就心口掛個勇字，毅然辭去銀行工作，回家接手餐廳，成為第4代掌舵人。20多年來，她笑言經歷過不少風浪，「最難忘係每次疫情都有我份，2003年沙士，中環老店每日午巿人影唔多，到晚巿更是想拍烏蠅都無隻，好彩時間唔長，好快過咗。到2019年新冠疫情爆發，四季芬芳剛開張冇耐就話限聚令。呢幾年，磨練好大，我同自己講，『即使跌低，都要企番起身。』
「做生意一定有壓力，每日、每小時都有事要解決，但越多嘢解決，就會累積到越多經驗，唔係太大風險嘅計劃，我都會試，會做。老店一向我自己營運，所以乜都要落手落腳去做，樓面、收銀、見客、入貨，試味和marketing等，冇乜人會好似我咁跟到咁貼，始終係自家品牌，唔想求其擺低俾人跟。Youngline呢面有經理、副經理，完整的管理層，我有時間過嚟睇睇就得。」
樂天蛇美人
不少人對蛇都望而生畏，更遑論要親近甚至徒手活捉，作為「蛇王芬」的繼承人的Gigi笑言，自己接手多年來都不用接觸活蛇。反而拍檔Charles跟她合作後，就專程到過廣西蛇場視察，「佢話?蛇原來係食??出世?老鼠仔，蛇場入面有好多一格格好似馬格咁?範圍，擺放好多籠，又暗又濕，仲好臭添，周圍亦好多蛇?脫皮，睇到人毛管戙。」
她又回想小時候，隨父母返舖頭時，間中都會見到一條條蛇在籠內爬行，「爸爸知媽咪驚蛇，所以一力擔起接收活蛇的工作。到我接手後，因為有供應商定期提供蛇肉，所以呢方面亦唔使我粗心。我唔熟識蛇性，亦唔識捉蛇，更加唔識?，最多浸?蛇酒。」
Gigi平日多數親自掌舖，和不少客人建立友好關係，「我認我確實係有好強?親和力，好多客人亦好nice，仲幫我起?個花名叫『蛇美人』。我接受呢個名，係想話食蛇真係會靚，而唔係我靚。因為蛇肉有胺基酸，可以抗氧，日日食，皮膚真係好??！」
近年，Gigi為拓展業務，更不時現身飲食節目，包括《滿足的味道》、《黃金盛宴》和《Testing Menu》等。已婚的她，更獲丈夫在背後支持，撐起這個家族百年品牌，「早前導演黃珍珍仲想搵我拍電影，講我撐起一片天，但當中涉及太多私隱，最後就沒有成事。但我仍然會努力做好呢個百年品牌，拍節目、做宣傳，我全部welcome，我平日都不停做?，可以話係24by7，係個鐵打神奇女俠。但工作以外，我都係一個平凡女子，鍾意聽歌、睇戲、行街shopping。我似爸爸，唔鍾意怨天尤人，即使遇到挫折，都會笑住起番身。」
延伸內容：自煮有法︱教煮小時候味道 鹹魚蒸肉餅
延伸內容：自煮有法︱簡單易做 家傳香滑蒸水蛋
