更新時間：14:06 2026-11-02
發佈時間：14:06 2026-11-02
發佈時間：14:06 2026-11-02
名模熊黛林（Lynn）在2016年和郭可盈胞弟郭可頌拉埋天窗，婚後誕下孖女Kaylor和Lyvia，近年更積極接綜藝兼做直播帶貨。兩公婆一向恩愛，郭可頌近日就精心計劃了結婚10周年旅行來哄老婆開心，駕車北上享受二人世界，怎料中途他竟然為了孖女，秒速應承「分居」！
睇女兒讀書好開心
起初，郭可頌邊駕車邊唱〈分分鐘需要你〉冧爆熊黛林，之後兩人談到兩個女兒，熊黛林問郭可頌，如果女兒將來去讀書：「你去照顧佢哋囉，我就喺呢度，好冇呀？」郭可頌想也沒想，爽快應承：「我冇所謂呀，我可以睇佢哋讀書都好開心。」熊黛林問：「我唔使去呀？」郭可頌就指她可以間中去探望他們，反過來他也會回去探她。
拖手派定心丸
熊黛林聽後覺得唔對路，驚訝地說：「咁我哋咪分居囉？」郭可頌即回應：「點解要咁負面？」熊黛林解釋：「久唔久見一面咪叫分居囉！」郭可頌覆述一次她的說話後，再拖住她的手派定心丸：「揸住咪唔會分，咁你陪我去。」懂得即刻捉緊處理，令熊黛林甜到入心。
最Hit
