發佈時間：14:54 2026-11-02
「一代性感女神」葉子楣日前作客由伍詠薇的節目《九運會客室2》，首度公開一段隱藏長達三十多年的陳年情史，承認自己比伍詠薇更早認識其已故首任丈夫翁江培，兩人當年更曾短暫交往。這段突如其來的爆料，令毫不知情的主持人伍詠薇在鏡頭前極度震驚。
飯局結緣與豪門攻勢
葉子楣在節目中詳細透露兩人相識與交往的經過，她回憶當年是在一個飯局上認識翁江培，當時她剛好拒絕了一位富商的追求。翁江培知道她恢復單身後，便主動表達欣賞之意，隨即展開熱烈追求。「嗰時有錢佬帶晒成班人食飯，全部都好勁，翁生喺度，佢知我同有錢佬甩咗，就同我講『其實我好欣賞你』，之後就開始追我。」
葉子楣表示，翁江培當年經常駕駛勞斯萊斯名車親自接送，並帶她到歌舞廳聽情歌。她表示：「佢真係好浪漫，每次聽慢歌就會邀我出去跳舞。」她更破天荒大爆親密細節，透露人生第一次法式接吻正是由翁江培一手教會。「跳舞嗰陣時……係佢教我打茄輪（法式濕吻）㗎！鍾意跳跳下舞突然間伸脷，嗱我冇講大話啦！佢仲話我條脷好軟熟，搞到我（以後）一同人kiss慣咗伸脷。」
寧選窮男友 失約蘇眉宴
儘管翁江培極具浪漫情調且財力雄厚，但葉子楣直言自己當時對婚姻與感情相當嚴謹，察覺到男方未有結婚打算後便有所顧慮。「佢份人真係好浪漫，不過佢嗰時係唔肯結婚嘅，咁我內心就覺得唔係咁好，『唔結婚？即係對感情玩吓玩吓啦，咁做乜嘢要同佢拍拖啊。』」
加上當時年輕的她擇偶並非以財富為首要考量，反而偏向選擇感覺對的對象，最終因為選擇了另一位男友而決定與翁江培分道揚鑣。「但係嗰陣時我鍾意嗰個係比較窮嘅男仔，而且我又鍾意啲冇咁高嘅」，因此未能回應翁江培的深情。
葉子楣更在節目中首度重提當年一件令她抱憾至今的往事，她透露翁江培曾用心為她安排奢華約會，卻慘遭她放飛機：「有一次佢約我去馬車會食飯，跟住佢話因為知道我鍾意食魚，所以訂咗一條三斤嘅蘇眉，但係因為嗰日我約咗窮嗰個男朋友，所以就叫我個女仔朋友去同佢食飯，事後我問返個女仔，翁生有冇同你食飯啊，佢話梗係冇啦，到而家我都好內疚，其實食餐飯啫⋯⋯搞到人哋訂晒枱訂咗條咁大嘅魚，我又失約，我都覺得自己好衰。」她同時強調，兩人交往極為短暫，而且雙方絕對沒有發生過性關係。葉子楣向伍姑娘特別澄清：「你唔使咁緊張，係（有拍過拖），但冇嘢，未發生過關係。」葉子楣強調當年與翁江培交往時，男方根本尚未認識伍詠薇，因此絕不涉及任何感情介入或搶人的問題。
隱瞞多年 全為節目爆內情
對於這段塵封多年的往事為何至今才選擇公開，葉子楣解釋，過去多年來自己絕口不提，連身邊的至親好友都未曾告知。「我一直冇講，就算見到你（伍詠薇）都冇講，全部都唔講，講嚟做咩啫。好好朋友都唔講，真係咁啱呢個節目，我覺得要精彩啲。」她在節目完畢後，有跟伍姑娘私聊，問對方：「你有冇覺得當年翁生其實嘴唇發黑，你覺唔覺得佢有隱疾呢？」可能愛情盲目的關係，伍姑娘完全沒有察覺到。
延伸內容 : 60歲長keep「波霸」身形 葉子楣令粉絲大開眼界
延伸內容 : 李思捷為葉子楣瞓身演出 陳欣健欣賞葉子楣夠「大」
延伸內容 : 獨家直擊葉子楣生日派對 「波霸始祖」突然變身 眼球好震撼
