發佈時間：11:35 2026-11-02
TVB《試真D唷》昨晚（1日）最新一集， 江美儀、張振朗與曾展望（GM）探店台北三大滷肉飯，分別是超過60年的老字號、連續多年獲推薦的餐廳「黑金滷肉飯」，以及打卡網紅店。三人先到老字號店，大讚入口即融的肥肉好好味，雖然GM嫌肉碎不夠多，但振朗卻食到停唔到口，被美儀姐抵死取笑：「原來你咁鍾意食肥嘢！」
最危險任務
3人食完滷肉飯，其後坤哥（吳業坤）歸隊，與美儀姐、振朗及GM一同乘車尋找美食。原來三位男士竟暗中策劃一場「最危險任務」，趁美儀姐熟睡時，用隱形墨水偷噴她的衣服！三人以「猜包剪揼」決定落手次序：振朗打頭陣，坤哥緊隨其後，GM守尾門。 打頭陣的振朗順利得手，豈料輪到坤哥卻老貓燒鬚，不慎將墨水直噴落美儀姐的手臂上，瞬間令她從睡夢中驚醒！美儀姐驚見衣服和手臂沾有藍色斑點，即問：「點解件衫有藍色嘅？漏水呀？」三男見狀秒速「戲精」上身，扮若無其事。 不過面對美儀姐的連環詢問，更將矛頭直指剛歸隊的坤哥：「之前都冇事㗎喎，係你嚟先至咁！」雖然坤哥扮傻，怎料振朗搶先自保說：「我棄暗投明呀！係坤哥教我㗎！」
慘遭「出賣」的坤哥頓時心虛得高呼想落車，並拖GM落水：「GM你講喇，因為我同振朗都噴咗一嘢。」GM見勢色不對，急急劃清界線：「佢哋兩個都認咗啦，得我冇噴咋！」但美儀姐眉頭一皺反問：「咁點解你唔制止佢哋？」振朗再度爆大鑊，踢爆GM原來幾日前已對美儀姐「落手」！ 眼見美儀姐面色一沉、嬲到「講不出聲」直接擰歪面，坤哥唯有將整個整蠱大計和盤托出，之後他與振朗、GM更不停道歉求饒。不過，劇組原本一早跟江美儀夾好，她知道會被3男整蠱，所以她才是終極整蠱專家。
延伸內容︰以通告絕地反擊！落區滅蟲遭狂轟「做騷」 江美儀打破沉默還原真相：這是名譽謀殺！
延伸內容︰江美儀同吳卓羲由炮友變到做佢阿媽 劇透《璀璨之城》毒殺二奶！｜獵奇心態玩交友App差點中招
