更新時間：10:17 2026-11-12
發佈時間：10:17 2026-11-12
發佈時間：10:17 2026-11-12
香港都有石虎，昨日有貓奴在社交網站threads發帖，指拾獲一隻石虎BB，片段中石虎BB只有手掌般大，在貓奴的辦公桌上爬行，雖然牠外表像貓咪，但叫聲絕不是嬌柔的喵喵聲，而是較為低沉的野獸聲音。網民看見這隻外表像豹貓的石虎大呼可愛，有貓奴網民指見到指甲咁尖想幫石虎B剪指甲，亦有網民留言指如果自己遇到一定會私自養，但拾獲的貓奴當機立斷聯絡嘉道理農場，於數小時內駕車將石虎BB移交予嘉道理農場野生動物中心專業人員照顧。
網民分享行山遇見石虎
對於這位貓奴拾到石虎，不少網民都留言指以為台灣才有石虎，估不到香港也有。亦有網民分享經驗，指小時候曾經遇過石虎。
「以前細個去山頭野嶺玩有時都見到佢哋啲蹤影，嗰陣仲以為係普通貓嚟，但係又畀其他貓好似啲顏色唔係咁一樣，後尾大過咗至知道原來叫豹貓，不過最後都係嗰句千祈唔好畀某地方啲人知道，如果唔係又會變成生態災難。」
「呢隻真係稀有動物，香港好少見到，生存到而家都只見過兩次。」
「好多年前試過行山見到豹貓，佢望住我 我望住佢咁呆咗1秒。」
貓奴即日送石虎BB到嘉道理農場
昨日貓奴將石虎BB交予嘉道理農場專業人員照顧後再度發文交代：「
工作人員話每年都會收到一兩隻，
佢地做法就係檢查好恢復健康後會嘗試去搵到佢既地方，試下佢屋企人會唔會pick up番佢。如果老母唔出現，
健康又自己搵到食話，就會拎番去嘉道理係後山野放，佢如無搵食能力，離唔開人話就先會係嘉道理入面養佢
報告完畢，」
嘉道理農場回覆傳媒，證實11月11日早上接收一隻初生豹貓，經拯救中心團隊檢查，該初生豹貓有輕微脫水跡象，沒有皮外傷，現時正留於園方拯救中心作進一步觀察。另外根據園方記錄，嘉道理農場野生動物拯救中心於去年一共接收8隻豹貓。嘉道理農場提醒市民，如遇上野生動物，應與其保持距離，避免接觸或自行將其帶走或餵食。
出發去嘉道埋農場啦。
途中石虎BB在箱內爬呀爬。
抵達嘉道理農場，石虎BB交由野生動物中心專業人員照顧。
最Hit
