更新時間：13:00 2025-05-17
發佈時間：13:00 2025-05-17
發佈時間：13:00 2025-05-17
張頴康（康仔）自從跟TVB傾掂合約後就劇接劇，近年就經常返內地拍劇，所以一有時間回港便盡量抽時間陪妻兒。日前東姑巧遇他與太太麥雅緻在九龍城街市買餸趕回家撐枱腳，他見到東姑即笑笑口話：「返嚟一日都畀你撞到。」曾有網民稱在內地「野生捕獲」張頴康要求合照，他都無任歡迎，可見他對任何人都態度友善，難怪康仔獲網民一致盛讚Nice！
「愛妻號」兼「廿四孝老竇」
張頴康去年一口氣有3套劇集《逆天奇案2》、《反黑英雄》及《黑色月光》見街，曝光率傲視同儕。近年經常要返內地拍劇的他，曾向東姑表示：「舊年我真係有好多日都唔喺香港，每次返嚟都係得一兩日時間，不過我會盡量抽時間陪佢哋。」不愧是「愛妻號」兼「廿四孝老竇」！
被網民「野生捕獲」毫無架子
早前康仔趁有空閒，便跟老婆麥雅緻帶同3個小朋友到內地一個樂園玩餐飽。期間他被網民「野生捕獲」，女網民於是捉緊機會，上前要求影合照；而向來親切友善的康仔，完全沒有架子，無任歡迎！成功「集郵」後，女網民興奮地寫道：「太幸運啦，在人群中一眼認出，鼓起勇氣打招呼，真人超nice、好親民，好靚仔啊！終於輪到我偶遇明星，好激動！」
兩公婆街市買餸趕回家撐枱腳
日前東姑有幸巧遇康仔兩公婆，正在九龍城街市買餸回家撐枱腳。當時已7時許，街市的檔攤紛紛準備收工，搞到麥雅緻非常心急，於是四圍撲選購，希望盡快買齊食材；而康仔就負責俾錢及拿東西，夫妻分工合作。當兩人見到東姑上前打招呼，康仔就笑笑口說：「咁都俾你見到我，我咁啱返咗嚟香港一日咋。」對任何人都態度友善，難怪康仔獲得網友一致盛讚！
延伸內容：張頴康教仔狠心 錫老婆錫到燶 麥雅緻孭$2萬Dior背囊好搶鏡
延伸內容：張頴康 穿梭兩套劇
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
最Hit
