更新時間：17:42 2025-07-01
發佈時間：17:42 2025-07-01
發佈時間：17:42 2025-07-01
DJ蔓兒於商台工作7年，並主持《在晴朗的一天出發》。上周五（27日）她突然收到解僱通知，至昨日（30）她才在社交平台宣布「失業」。她分享離職心情時稱，原以為是尋常工作天，卻變成自己的Last Day。她手持遣散費支票及破舊職員證的合照配以幽默自白，表示不開心，但一舉動令網民會心微笑。
直指Last Day都要靚
蔓兒回想當日收到解僱信的情景指：「被通知嘅一刻心入邊有好多唔同嘅想法同感受湧現，但最強烈嘅一個想法就係『今日套衫唔夠靚！』失業唔緊要，最緊要靚！於是就返屋企換套衫，順便攞個紅白藍膠袋返公司執嘢。」此舉動令網民會心微笑。
蔓兒一邊執枱一邊睇返自己的創作（on9嘢），才諗番這7年在「晴朗」大大小小的活動，包括：慶祝生日企劃、903籃球賽、Sis私服服和九零三八等，並認為自己「真的學咗好多嘢、做咗好多嘢、成長咗好多」，還不禁指也老了很多。
蔓兒感謝同事關懷
蔓兒公開與商台一眾同事的合照，又拿起兩張計足遣散費的支票及一張破舊的職員證打卡，收拾私人物品便離開。她說：「感謝呢度令我遇見唔同嘅人同事！人嘅記憶體有限，我只會記得好人好事，開心喺last day可以同大家一齊食飯！雖然啲男仔唔會講啲咩關懷嘅說話，但都feel到佢哋係關心我嘅（應該），好嘅就話幫我搵工，衰嘅就嗌飯嗌七個餸，食七咁食，睇嚟真係好想送我一程！笑死！」
以「宇宙安排論」應對
面對突如其來的職場轉變，蔓兒以「宇宙安排論」瀟灑應對，她笑言：「宇宙對我好好，相信佢係用最好嘅方法帶我去一個更好嘅地方，尋找更好嘅自己。」並知道是時候要轉換下環境，她計劃趁空檔去日本旅遊和做Gym，更自封「失業KOL」。其貼文寫道：「#睇到兩張支票就喊唔出」引發共鳴，不少人均留言分享類似經歷。整頓心情後，蔓兒隨即現身朗豪坊支持歌手湯令山的演出，果然有義氣。
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
最Hit
