發佈時間：10:00 2025-06-29
參選2016年度香港小姐入行的葉蒨文（Sophie），因在處境劇《愛•回家之開心速遞》飾演「Candy」一角，而成功「入屋」。最近，她獲公司挑選成為戀愛綜藝真人騷《女神配對計劃》的其中一位女主角，人氣即時急升！
本刊就發現，Sophie原來還是一位「貼地」女神，由於本港經濟不景氣，工作量大減的她，便到尖沙咀的一間診所做兼職護士。此外，她為了慳錢，午膳時只吃了一個48元的快餐醫肚，樣靚身材好，兼勤力又慳家，唐詩詠「最佳女朋友」的位置可以退位讓賢喇！
選中做「女神」
現年32歲的葉蒨文（Sophie），憑處境劇《愛•回家之開心速遞》中「島大女神Candy」一角，成功「入屋」。除了樣靚身材好之外，Sophie於讀書時期還是一名尖子，中學畢業於傳統名校嘉諾撒聖心書院，之後到英國升學，大學畢業於英國京士頓大學的服裝設計系。期間，她曾參加過劍橋大學合唱團，又做過兼職模特兒，更在北京舞蹈學院考獲中國舞12級資格，動靜皆宜。
最近，Sophie就獲公司選中參加戀愛綜藝真人騷《女神配對計劃》，當中男藝人曾展望對她的剖白，感動不少觀眾。據悉，她與拍拖6年的男友，於8個月前分手，因為一直沒有公開，外間還以為她「扮單身」。
Sophie無奈的表示：「其實大家都磨合咗好耐，有啲嘢以為係疫情等等嘅影響，所以一路都有再俾多啲時間同機會，最後發現都係妥協唔到，只好分開。」性格樂天的Sophie，分手後好快就走出陰霾，她積極面對並表示：「冇咩特別唔習慣，當努力咗好耐都得唔到想要嘅結果，有陣時分開反而係一種解脫。」
為情走出陰霾
因為情已逝，雙方分手的時候也是很冷靜及和平，Sophie坦言，事隔半年多一切都應該要重新開始，包括找男朋友。適逢公司有這個節目，她更可以因利乘便，一邊工作一邊找適合的對象，她開心的說：「好期待有啲乜嘢男仔參加，其實我嘅擇偶條件好開放，冇任何限制，最緊要合眼緣，同埋性格啱key，我可以好文靜又可以好好動，所以應該都可以切合到好多男仔嘅性格。」
Sophie不單止性格爽朗，現實生活中也是一名慳妹。在單親家庭長大的她，由母親獨力養大，入行多年，她都感到相當內疚，認為自己都已經32歲，還未能夠回饋媽媽，令她非常自責！由於做藝人收入不穩，沒工開的日子，Sophie的戶口竟然試過剩下兩位數字，為怕再捱之前艱苦的日子，所以她有工就開，密密做積穀防饑。
快餐醫肚慳錢
日前，本刊發現Sophie 於尖沙咀的一間診所兼職做護士。當日早上9時，打扮樸素、身穿單車褲的她，正準備換上制服開工；接着，這位白衣天使就正式投入工作。由於診所內早已排滿了病人，Sophie於是將已登記的文件逐一整理好，並且與預約的病人逐一配對。
現場所見，健談的Sophie與一班同事打成一片，傾到雞啄唔斷，間中她亦會幫同事在配藥房打掃及清潔，表現積極和勤力！午餐時，Sophie為了慳錢，於是求其吃了一個48元的快餐醫肚，跟着再上樓勤奮工作。據悉，Sophie還經常做義工，認真人美心善。在《女神配對計劃》中，相信她一定是各位男參賽者，最希望獵獲的頭號女神！
延伸內容：女神配對計劃︱葉蒨文曾自爆6年情玩完真相 列擇偶條件 不求富二代 只求一樣嘢
延伸內容：女神配對計劃︱葉蒨文被指同曾展望「真情人」扮「追求」 發長文講感受
延伸內容：女神配對計劃︱曾展望冧爆「公主抱 」葉蒨文逐一點評3位求愛者
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
