更新時間：16:00 2025-03-13
發佈時間：16:00 2025-03-13
發佈時間：16:00 2025-03-13
43歲無綫小生張頴康與老婆麥雅緻是圈中出名的恩愛夫妻，皆因張頴康遇上事業低谷時，都是老婆麥雅緻陪他捱過，至現時上到位，老婆又為他創造了一個溫暖的家。日前東姑在尖沙咀撞到張頴康一家5口逛商場，老婆話要夾金仔，張頴康即點頭；但細仔話要玩機動遊戲就Say No，而且他錫老婆程度，睇麥雅緻全程孭住個價值近$2萬蚊的Christian Dior背囊就知道了。
感謝老婆
張頴康童年時因為父母離異，由嫲嫲一手撫養成人，所以自小就缺乏愛，難怪他曾表示非常感謝老婆給他3個小朋友和創造了一個溫暖的家，令他的人生得以完整。而正值上位的張頴康，除了工作，就是家庭，他向東姑坦言：「家庭係我嘅全部，但為咗搵食養屋企，所以都要開工，只要唔使做，我一定會用晒我嘅時間陪佢哋。」
細仔扭計
日前在尖沙咀的一個商場，東姑就撞到張頴康一家5口正在逛商場。經過夾公仔的店舖時，老婆即時心心眼，而張頴康亦準備奉陪老婆一齊玩，但細仔小蛋黃（Maka）突然扭計要玩商場內的一個機動遊戲，最後為了慳錢，麥雅緻還是決定放棄夾公仔的念頭。
嚴父上身
雖然阿媽肯犠牲，但小蛋黃仍不肯罷休，死𦧲要玩機動遊戲，張頴康見狀立即嚴父上身，並對他進行訓話。被爸爸鬧兩句的小蛋黃，立即谷出大大滴眼淚，接着撒嬌要求抱抱；然而張頴康繼續狠下心腸，不肯就範抱他，只肯拖手。最後他更命令小蛋黃跟住哥哥張迅橋（Makson）一齊行，要他學懂獨立；但3歲半小朋友，仍要慢慢教。
老公識做
雖然張頴康對兒子嚴厲，不過卻好錫老婆，睇麥雅緻全程孭住個價值近$2萬蚊的Christian Dior背囊就知道。而且今年農歷年三十晚，張頴康為了𠱁老婆和岳母開心，親自下廚煮團年飯，當晚5餸1湯，飯後仲有湯丸做甜品，呢個老公真識做！
延伸內容： 張穎康：「老婆係我人生最大禮物」 親解三子女命名玄機
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
最Hit
