發佈時間：19:07 2026-06-23
和服侍周到、相夫教子的乖乖人妻結婚接近二十年，原來人妻暗藏炮友SP十多年，如果你是她的丈夫，怎面對？
Threads上出現偷食出軌的帖文多不勝數，最近一個名為「cheating.secret」的Threads戶口廣受網民歡迎，因集合不少城中男女「自首」的出軌故事，最近其中一個故事更引來網民熱議。一名人夫分享，說和太太由拍拖到結婚攜手走過接近二十年，對方在自己及旁人眼中一直是不折不扣的「乖乖女」和「賢妻良母典範」。
性冷感令人夫起疑
由於太太態度愈趨冷淡，加上性冷感，人夫愈感奇怪：「由拍拖到而家都十幾年就黎（嚟）廿年，生左兩個仔，因為呢幾年佢對我愈黎愈冷淡，甚至開始唔比（畀）我掂佢，開頭以為佢生左（咗）兩件變左（咗）性冷感，但個問題越黎越惡化落去，所以我開始對佢起疑心，一直100%信任佢，從來唔會睇佢電話既（嘅）我終於忍唔住睇佢電話。」
就是因偷看太太的電話，人夫揭發背後的秘密：「原來同我一齊十幾年黎（嚟）佢一直出面有個SP保持住聯絡，佢同呢個SP約出去既（嘅）次數雖然唔多，但係十幾年黎（嚟）無中斷過，甚至佢係識呢個人先過識我。」
意外揭發妻子瞞著自己，與一名男子維持了長達十多年的「SP（性伴侶）」關係，人夫陷入極大痛苦與掙扎之中。他形容，妻子從拍拖初期開始極其賢淑：「會識得為我慳錢，會為我著想，會煮飯比（畀）我食，會幫我執屋掃地。」 即使生下兩個兒子後，妻子依然事事以家庭為先，在丈夫眼中簡直是完美的「賢妻良母」。
驚揭暗藏炮友
基於這份維持了近二十年的無條件信任，人夫坦言過去投以100%信任，想不到太太和炮友的關係長久，訊息中的對話內容極度令人夫心碎：「一個我心目中既超級乖乖女，竟然有一個長期炮友，佢地（哋）之間既（嘅）訊息既（嘅）露骨程度係我從來都未見過，難聽啲講句，甚至令我好羨慕。」
不倫關係曝光後，妻子雖承諾不會再與該名 SP 見面，但婚姻已回不去從前，人夫指雙方之間築起「好大嘅隔膜」，加上陷入了多年的「無性婚姻」，根本無法拉近距離。
人夫說：「我老婆應承左（咗）我唔會再見個SP，但係我根本唔知點樣相信佢，難聽啲講句就算佢地（哋）有再約過，我都未必知道，因為我老婆已經知道我知道左（咗）佢地（哋）既（嘅）事，如果佢有心，佢一定會收得更埋，我根本唔知應該點樣去重建對佢既（嘅）信任。」
關係如死水
面對這段接近二十年的感情，人夫陷入了極大的心理煎熬。他表示「講真亦唔想離」，更不忍心讓兩個年幼的兒子因為母親的過錯而變成單親家庭。然而，選擇留下來的代價，卻是要獨自吞下所有的委屈與恥辱。投稿人無奈感嘆，現時生活「真係好辛苦」，內心甚至一度湧起衝動，好想「將所有野（嘢）推冧晒佢重新黎過」。
人夫驚揭太太暗藏炮友十多年一事，不少網民同情人夫的遭遇，認為要承受枕邊人長達十多年的雙面人生，心理陰影難以想像；亦有網民直言，維繫長達二十年的「完美假象」其心計之深令人毛骨悚然，再次反思婚姻中信任與兩性關係的脆弱。
有網民認為既然事主不願失去家庭，或可轉向開放態度：「既然離唔到婚，何不改變生活方式各有各玩？她沒斷過 SP 但仍是好妻子，拆唔掂咪諗辦法令自己好過啲。」但也有反對聲音直言：「邊有可能繼續一齊？你都唔想小朋友喺唔正常嘅環境長大。」亦有同路人分享經歷，指丈夫曾瞞她與 SP 出軌數年，最後靠見婚姻輔導和宗教信仰成功重建關係，直言「條路比離婚難行10倍，但想挽救就去見輔導」。不過，也有人狠批事主懦弱：「小朋友比想像中堅強，唔好用仔女做藉口掩蓋懦弱，每個人都要為自己人生負責。」
