更新時間：17:45 2026-06-23
發佈時間：17:45 2026-06-23
發佈時間：17:45 2026-06-23
最新一期《東周刊》獨家曝光「音樂女神」海兒（陳海兒、Hedy）密冚多時的戀情。日前海兒現身中環，獲貌似「小豬」羅志祥的高大猛男駕車接送。兩人之後到西環撐枱腳，男方又體貼脫下恤衫為她披上「保暖」，跟住二人一齊漫步海濱欣賞日落，再同返薄扶林香閨。海兒今日（23日）回覆《星島頭條》時，首度開腔回應戀情。
海兒盼保留私人空間
海兒對於戀情，她表示：「謝謝大家關心，抱歉自己私事打擾到大家，我入行時間尚淺，之前冇特別提起感情生活，純粹係唔想因為公眾人物呢個身份，影響到身邊一直愛錫我嘅人，所以希望可以保留少少私人空間。」
未有結婚打算以工作為重
對於結婚，她表示目前未有這個打算，「重點都放在工作上，仲有好多工作上嘅目標想去試，除咗現時女高音同埋導師評審嘅工作，我希望將來可以出到屬於自己嘅歌，甚至開到自己嘅音樂會。」最後她多謝一直支持她的fans，感激一路以嚟在身邊默默支持自己的人，「我會繼續努力做好自己嘅工作，多謝大家！」
延伸內容：海兒密冚戀情失敗 甜蜜照流出 孖「翻版羅志祥」男友浪漫拍拖斷正！
高大猛男駕寶馬體貼接送
日前海兒現身中環，最初跟助友一齊。兩人道別後，海兒登上一架由高大猛男駕駛的黑色寶馬。他們隨即到西環一間咖啡店撐枱腳，期間男方十分體貼，見海兒抵不住冷氣，便脫下恤衫為她披上「保暖」。
海濱漫步賞完日落同返香閨
海兒與男友飲完咖啡後，還一齊在海濱長廊邊漫步邊欣賞日落，浪漫非常。只見海兒全程都冧爆甜笑，最後兩人更一同返回薄扶林香閨，繼續享受甜蜜的二人世界。
延伸內容：揭「世一 音樂女神」海兒 超搞鬼真面目
延伸內容：中年好聲音3︱「高音女神」海兒擁23吋腰靠一日食一餐 胞姊顏值同樣吸睛
最Hit
