更新時間：12:58 2024-07-20
發佈時間：12:58 2024-07-20
發佈時間：12:58 2024-07-20
現年42歲、有圈中「愛妻號」之稱的張頴康（康仔），與港姐出身的太太麥雅緻結婚踏入第12個年頭，現時育有3名子女，大女「小豆」雅喬今年10歲，還有6歲二仔「小花生」迅橋，以及快將3歲的細仔「小蛋黃」。康仔和麥雅緻除了不時在社交平台，分享子女的成長點滴之外；亦經常晒恩愛「放閃」！去年，兩公婆結婚11周年，康仔便在社交平台留言寫道：「我承認我係一個唔識浪漫嘅人，好慶幸我老婆冇介意過呢樣嘢，仲好願意同我一齊好平凡咁過生活！老婆，多謝你！我永遠愛你。」sweet到漏！
在最近熱播的劇集《反黑英雄》中，康仔就飾演警察機動部隊的警長，因為女兒遭到綁架，於是上演了一場「救參96小時」式的拼命行動，看得觀眾相當肉緊，其演技亦備受讚賞。雖然他學生時期是跑步冠軍，但早前接受訪問時，提到有一幕在商場狂奔6分鐘的場面，他就透露足足拍了一整天，可謂「跑到嘔」：「呢場戲真係好辛苦，因為場地好大，當日拍咗幾次之後，有人掟支水俾我飲，我一飲即刻嘔番出嚟！雖然我本身都有玩開長跑，但都需要一段時間先適應到。」此外，現實中有3個小朋友的他，坦言現時演爸爸角色特別有感覺。
事實上，康仔的黑仔事件還未完。當年，他因壓力而誘發銀屑病（俗稱牛皮癬），曾試過痛到無法下床，要急召救護車用擔架抬到醫院。之後，他竟然因怕打針而逃走出院，回家後還被麥雅緻質問：「老老實實，你係咪有出去滾呀？」康仔笑指：「我話，我冇呃你，加上我喺劉華度出嚟，邊有呢啲嘢？」後來，得悉是家族遺傳的銀屑病後，才放下疑慮。患病時，他的身體出現大量紅點，不單止需要搽類固醇，還要包保鮮紙、戴手套，加上影響到關節，要與輪椅為伴，令他苦不堪言。期間，老婆對他不離不棄，每天推着輪椅帶他四處求醫，結果成功痊癒！有個如此體貼的嬌妻，所以他每次提起老婆都讚口不絕！
最Hit
