發佈時間：16:37 2024-04-06
香港迪士尼樂園的一位外籍員工Santi因高大俊俏，迅即秒虜女士歡心，成為網民熱話，稱他為「迪士尼男神」，大批網民到樂園遊玩時展開「大搜捕」，狂刮男神足跡，並分享偷拍照或合照，人氣勁過Santi照顧的LinaBell！
變為人氣男神的Santi，原來只有19歲，完全是小鮮肉一名，最近更正式獻出第一次，首次拍廣告！Santi最近和ERROR成員阿Dee（何啟華）為譚仔雲南米線的「牛脷‧釀豆腐配胡椒鮮番茄湯米線」拍攝，期間Santi更成為「譚仔姐姐」的甜心，吸引一眾「譚仔姐姐」上前圍攻集郵，令她們超high！
只識講一句廣東話
Santi說十分感謝阿Dee的照顧，又指對方是一位很好的前輩：「佢好搞笑，雖然語言不算相通，但只係身體語言同眼神，已令我笑唔停。我要多謝各位網友愛戴，先令我有機會同譚仔合作，我平時都喜歡食譚仔米線，超愛食辣，我唯一識講嘅廣東話係：『唔該加辣』。今次宣傳嘅『牛脷‧釀豆腐配胡椒鮮番茄湯米線』，同我家鄉墨西哥嘅菜湯有啲相似，飲一啖湯底就可以驅走潮濕悶熱！」
對於成為網絡男神，甚至被封為「真人版王子」，以及被指跟P1X3L的成員George撞樣，Santi說：「多謝大家抬舉，其實我只係個樣順眼，叫『王子』太浮誇，因為大家話我似George，所以我去佢嘅社交平台睇，佢其實比我靚仔好多，而且能歌善舞，所以我都會努力自我增值，首先學好中文，學好廣東話同普通話，希望增強語文能力，同大家溝通，將來到譚仔點餐更方便。我第一個目標係可以親自用廣東話點『牛脷‧釀豆腐配胡椒鮮番茄湯米線』，我會努力！」
譚仔姐姐一招爽爆阿Dee
至於阿Dee則說想不到Santi只得19歲，又讚Santi領悟力很高及有鏡頭觸覺：「佢性格相當有趣，熱衷分享，真係年輕有為，前途無可限量。」雖然Santi吸引「譚仔姐姐」上前集郵：「譚仔姐姐風趣幽默，『譚仔話』同我嘅港普有異曲同功之妙。最難忘係有一場譚仔姐姐用手夾住我塊面嚟講對白，事前我擔心對方太輕手而NG，所以提醍佢大力啲，點知真係超大力拍我塊面，成個人立刻Chill爽晒，哈哈！」
身為譚仔忠粉的阿Dee，指「牛脷‧釀豆腐配胡椒鮮番茄湯米線」令人意想不到，胡椒鮮番茄湯底加了歐式百里香，令人越食越上癮，又指「食神隊長」肥仔同樣是「米線控」。他說：「平時ERROR飯局一定由肥仔話事，因為他係食神，如果我哋揀咗一間佢覺得唔好食嘅餐廳，肥仔會立即拍拍屁股走，但我相信譚仔這款米線，肥仔絕對唔會閃人！」
