更新時間：12:34 2024-05-10
發佈時間：20:00 2024-05-09
發佈時間：20:00 2024-05-09
母親節是感謝媽媽的日子，身為子女的大家真的要愛說出口，否則就如古巨基《愛得太遲》中的歌詞:「最可怕是 愛需要及時 只差一秒 心聲都已變歷史 忙極亦放肆 見我愛見的相知 要抱要吻要怎麼也好 偏要推說等下一次。」
麥玲玲認同愛要說出口
「愛得及時」此話對麥玲玲師傅而言深同感受，亦慶幸自己做得到。麥玲玲師傅接受《東周刊》訪問時，就坦言母親早逝，但幸好自己是一個有愛說出口的人，她說：「父母在生時，都知道我很愛佢哋，我好多時都會同佢哋分享，所以至父母離開後，我都唔會因為愛得太遲或愛沒出口而有遺憾。」
母親被批中 決心研究玄學
談及母女情，麥玲玲表示她起初愛上玄學是因為媽媽，麥玲玲說：「好有趣，我媽媽在生的時候都會搵風水師傅睇風水，記得有一次，風水師傅批她去到四十六歲之時會有一個關口，過到就有幾多歲，但去到母親四十六歲之時，她真係過唔到，因為媽媽被風水師傅批中這件事，我就諗命運到底係咪喺特定框架入面呢？可唔可以超越佢？我對玄學就產生濃厚的興趣，就決心去拜師學藝。」麥玲玲於1987年因為收聽風水專家林真的電台節目，繼而向林真拜師學藝，開始踏上玄學風水之路。
成功時要同父母分享
因為母親而入行的麥玲玲師傅於玄學界打拚多年，至今名成利就，相信是一份最好的母親節禮物。麥玲玲師傅:「都算係嘅，因為我嫲嫲係喺尖沙嘴開報紙檔嘅，我啲運程書都會喺報紙檔有得賣，我爸爸都會推銷我嘅運程書，佢會同外國人講我個女本書就最準嘅，佢會覺得好威好開心，所以我會同年青人講，若然你有嘢好想做，就努力地做好去，有成就就要同父母家人分享，有人同你分享係一件好開心嘅事，好難得嘅事，否則到你想同人分享，但已經冇咗嗰個人，你一定會好遺憾，幸好我對離世嘅父母沒有這個遺憾。」
最Hit
