發佈時間：19:42 2025-01-23
姜紫藍（Color）於2003年以模特兒身份入行，做過節目主持、現任攝影師和當作家出書。她首本著作《彌留人生》大獲好評，去年書展更推出她第13本作品《女子精神病房奇觀》。早前她因與表妹「夾」租屋住搬往將軍澳，豈料新入伙便遇意外，她出露台晾衫時，被掛窗簾的羅馬式粗鐵棍忽然掉下整親背，她欲追討屋苑無門，幸好業主肯付費修好，不過她要支付逾萬元睇醫生、照X光和做物理治療的費用，最慘是現時要靠食止痛藥兼坐輪椅出入減輕痛楚，過農曆新年想出門都難！
延伸內容：新書推介｜姜紫藍新書《女子精神病房奇觀》 嘔心瀝血面世
延伸內容：Angelababy御用攝影師Mikoco操刀 姜紫藍當主角一腳踢
出露台晾衫即出意外
姜紫藍表示原打算與表妹夾租，方便對方返工，所以就搬往將軍澳，可惜表妹最終甩底，Color惟有自己租住。有一日，她如常打開玻璃門出露台晾衫，豈料近露台玻璃門用來掛窗簾的羅馬式鐵棍忽然掉下，該鐵棍又粗又重，掉下時正扑向Color的背部，Color痛得慘叫倒地，定神後爬起來即Call車睇私家醫生，她解釋：「因為試過睇公立醫院，要等成10幾個鐘，連粒藥都冇得畀你食，我太痛，所以即刻睇私家，醫生馬上幫我照X光，X光片顯示頸椎下面嘅骨彎咗，醫生話如果仆高少少，我唔死都會做植物人。」
做物理治療慢慢康復
醫生續稱這個位置不宜動手術，要做物理治療讓它慢慢康復，後遺症是有機會日後落雨天時有風濕痛，所以要注意保暖。事發後，她即時向業主反映及聯絡屋苑的物業管理公司，業主馬上搵人整番好支窗簾棍，並負責全數費用兼下個月只收半個月租，當幫補她的醫藥費，Color表示：「師傅嚟整支窗簾棍時，先知唔係水泥牆，牆竟然係用石膏粉砌成，所以當要裝實窗簾棍時，很難鑽螺絲，其實支棍已經跌咗落嚟兩三次，屋苑亦幫我維修咗兩三次，每一次佢哋都話一定唔會再跌落嚟，點知就發生咗今次意外！」
付萬元醫藥費兼停工
她由睇醫生至做物理治療，現時已用了逾萬元，由於痛楚難捱，暫時要休息一段時間，問她會手停口停嗎？她坦言：「經濟方面都唔擔心得咁多，𠵱家要醫番好先。」現時她出入要靠坐輪椅，每天亦要食止痛藥，以減輕痛楚。早前因答應出席一個慈善捐書活動，所以Color惟有坐住輪椅出席，她表示：「其實呢個活動係送書畀啲窮困嘅小朋友，分享我患病時嘅經歷，同埋點樣去面對同克服困境，好有意義！」而農曆新年原本有工作在身，但都要推卻並留在家中休養，一個字「慘」！
《東周網》獨家「質詢」馬清鏗「小三」五索，足本訪談內容已上線，快啲Bookmark 《星桄伴我心》Page喇！
即睇 : 獨家質詢馬清鏗「小三」五索“我係賤人，但我住山頂，你唔恨得咁多！”
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
