發佈時間：19:55 2024-04-05
曾任模特兒的作家兼攝影師姜紫藍（Color），早前獲Angelababy御用攝影師Mikoco邀請、拍攝一輯富現代感的古裝相，Color不但立刻應承，更笑言：「從來都係我去影人，未試過做主角，所以真係榮幸又期待。」為此她戒食、拉筋、敷Mask兼親自搵服飾，力求完美；而Mikoco稱可作為4月壽星女Color的生日禮物。
首次合作
Color和Mikoco相識已久卻從來未有合作過，有次Mikoco見到Color的古裝造型覺得好特別，便問她有沒有興趣再影一輯時尚古裝造型照，Color二話不說答應。拍攝當日，Color一早到場化妝做準備；為了影一輯超靚的相，Color除了要戒澱粉質、糖份和拉筋、敷Mask外，還親自去搜羅合適的服裝和飾物，她坦言：「我為咗影呢輯相戒食澱粉質一個月，又要戒食朱古力同戒飲可樂，琴晚仲特登敷Mask。跟住我問Mikico影到邊個位，如果係上半身，我拉筋淨係拉上半身。後尾我再諗Mikoco執相咁叻，無論我咩狀態都冇問題，最緊要個人到現場就得喇。」
單眼最難
一開始影相，只見Mikoco一埋位已有很多Idea，而現場有3位攝影助手幫忙打燈和取道具配合，頗大陣仗。Mikoco一時要Color摸面、舉手，一時又要她側身、托頭，而Color亦有求必應。多個甫士中，Color覺得最難是最後一個Shot「單眼」，她笑言：「我真係唔識單眼㗎！」但為了滿足攝影師要求，她不斷練、不斷練，最後終於成功。
生日禮物
拍了大約3小時，總算大功告成，Mikoco大讚：「Color好上鏡，同埋佢一入到個狀態，就影得靚；而佢寫書做幕後又得，做幕前影相又得。」由於Color在本月3日生日，Mikoco表示這輯相可送給她作生日禮物；而Color當然感開心和滿意。嚟緊Color會繼續撰寫題材特別又真人真事的小說，並將於7月的書展推出，但她苦笑說：「進度好緩慢，𠵱家只寫咗近一半，淨番一個月時間要交稿喇。」而Mikoco就希望教年青人影相，學懂後可實踐幫公公婆婆影相做慈善，Mikoco說：「之前一直太忙未有時間做，希望今年可以做到兩次喇！」
化妝：Heidi-Makeup.com
髮型：Mikoco
指甲：Phoenix
