更新時間：19:18 2025-12-12
發佈時間：19:16 2025-12-12
發佈時間：19:16 2025-12-12
大埔宏福苑五級火後，對警鐘聲有創傷後遺症（PTSD）？近日美孚一名居民在社交平台發帖指，睡夢中突然聽到火警鐘響，當即帶着腳傷從16樓住所直衝向地下，未料到大堂時卻驚見只有自己一人走火警！從管理員口中得悉真相後，樓主表示當場崩潰。但一眾網民卻大讚樓主「看似戇居，實質正確」。
夢中驚醒！帶傷跛行跑16層樓逃生
據樓主指，自己居於美孚一個私人屋苑的16樓。當日他獨自在家，正在睡夢中時，突然被火警鐘聲驚醒，當即帶齊「走佬三寶」（銀包、電話、鎖匙），拖着受傷的膝蓋，「趷住由16樓跑樓梯殺落地下」。未料到大堂時，管理員卻告訴他剛剛只是例行測試火警鐘，其他住戶都只是打電話到管理處詢問情況，他是「全棟樓唯一一個跑落嚟走火警嘅住客」。
從樓主分享的影片可見，管理處確實早已張貼「消防系統例行檢查通告」，提醒住戶「如聽到警鐘聲，敬請保持冷靜」。雖然獲管理員大讚「態度正確」，「但我應該讚自己危機意識高，定係鬧自己唔睇通告板好……」
網民：看似戇居，實質正確！
帖子隨即引發網民關注，更有同座大廈的住戶笑言「靠警鐘相認」。有不少網民認為，經歷過大埔火災事件或頻繁的警鐘誤鳴後，「聽到警鐘真係會PTSD（創傷後遺症）」。
大部分網民加撐樓主：「佢話試，但你唔肯定同時係唔係真係有火，所以你係啱的」、「看似戇居，實質正確。有咩事？首批遠離危險」、「有危機感，做得好好，真係出事嗰陣，就救你一命」。有人建議可邊走火警邊打電話向管理處確認，隨即有人反駁：「一棟樓幾百人，電話線得一條，成個鐘電話先通得番」、「打唔通或者無人聽就要即刻走」。
來源：aaron.yuwaihim＠Threads
最Hit
