更新時間：16:01 2026-03-02
發佈時間：16:01 2026-03-02
發佈時間：16:01 2026-03-02
前「J2女神」梁凱晴（Nina）向來不吝嗇展示其天使面孔及魔鬼身材，即使近年過檔HOY TV後，她在熱播的旅遊節目《女行團》中暢遊杜拜期間，打扮依然吸睛。踏入新一年，做開主持的Nina，也打算來個新突破，一於踩過界唱歌，推出個人國語新歌〈不離不棄的謊〉，更決定到日本拍MV，期間竟兩度惹來艷遇，相當受「㗎仔」歡迎。
三日兩夜快閃團
Nina透露今次進行三日兩夜快閃團，因新歌主題是有關男女朋友分手之後，再次重返舊地尋找遺落的碎片和記憶，故找來一名日本男模演出；另外又到訪一些新景點和山手線的JR站拍攝。她笑言拍攝期間，難忘事不少，除了身穿單薄的衣服在寒冬拍攝外，也有一場要男模在馬路上大叫她名字的戲份，故有市民行經時心感奇怪，不停回頭望，場面有點尷尬。
延伸內容：梁凱晴4千蚊玩盡越南3地 難忘歎「慢版」法國菜 見證聞名火車身旁駛過
日本拍MV惹艷遇
縱使時間緊湊，Nina還兩度惹來艷遇，她笑言：「有日喺澀谷拍攝時，有一段要我落寞咁走喺街上，但突然間有個日本人嚟搭訕。另一次喺藥妝店買嘢，有個店員見到我，就用日文講『呢個女生好可愛』，而佢身邊同事話個女仔比你高喎，佢繼續講『好可愛，冇問題』，其實我識聽日文，但為免尷尬，我就用普通話回答，扮聽唔明。」
錄歌時多得監製教路
艷遇冇下文，因Nina現時以事業為先，嚟緊工作已排得密密麻麻，稍後為新歌宣傳後，又打算到歐洲、中東等地拍攝旅遊節目。對於唱歌，她說︰「除咗做節目，有時都會接到一啲活動，往往需要喺現場唱歌帶動氣氛，所以好多謝公司畀機會，等我有一首自己嘅歌。由於我冇正式跟老師學過唱歌，所以錄歌時，多得監製好用心教我，成日提我要帶有感情。錄完今次嘅國語歌，我下次想挑戰廣東歌，同試一啲關於網絡行銷嘅工作。」
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
即睇：劉威煌賣珍珠奶茶做到買數銀紙機︱ 愛犬訣別彩虹橋鼻酸感人故事︱ 罕談娛圈最難受歲月：我放棄過！
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
