發佈時間：10:02 2025-12-13
現年61歲的電影「綠葉王」林雪，曾演出多套由杜琪峯執導的名作，例如：《PTU》、《鎗火》及《暗花》等，當中演市井小人物特別出色。隨着年紀漸大，他的體重也同步飆升，高峰期更達300磅，更被外間封為「肥雪」，連杜琪峯都要求他減肥，而他亦一度成功減重60磅。
不過，林雪近年的體重明顯反彈，另左面上的黑斑還越來越大笪，疑似患上皮膚病「黑棘皮症」。縱使健康響警號，他都如常飲食隨意，在街頭等人時仍煙不離手，情況令人擔心！
怪異黑斑
現年61歲的林雪，90年代加入電影圈，並由場務做起，之後獲得導演杜琪峯的賞識，繼而轉型做演員，慢慢由小角色做到配角。1999年，他憑電影《鎗火》獲提名金馬獎「男配角」；之後，他便片約不斷，加上其外形肥胖，作風搞笑，近年中港兩邊走，還開演唱會、拍廣告，近日他扮演董卓的銀行稅貸廣告，便鋪天蓋地，賺到盤滿缽滿。
除了荷包腫脹之外，林雪的體重也有增無減。去年3月，他在社交平台宣告要減肥，因為體重高達136公斤（約300磅），另外面部亦出現怪異的黑斑，身體疑似出現問題。林雪表示，全因為恩師杜琪峯一言驚醒：「你要注意下喇，你話你突然死X咗就好，最怕死唔去累人呀！」因此，他醒覺為己為人一定要減肥，並且要馬上實行，不單止努力做運動，還竭力控制飲食，結果短短9個月成功減掉28公斤，體重跌至108公斤（240磅）。
火氣十足
今月中，林雪現身有份參演的新片《金童》首映禮，適逢當時網上流傳他因好賭成性，輸光家產，甚至欠下百億巨債，要走佬離開香港。當晚，他看見一眾傳媒皆在場，於是急不及待否認債務纏身，又激動的說︰「要澄清！X！我冇X爭人錢！我大X把錢！唔知邊X個又話X我爭人幾百億喎！我X！精子都冇啦！X你個街！」火氣十足！
然而，現場所見，林雪不僅體重暴漲，還臉色偏黑、左臉的黑斑比之前更深，還大了約3倍。有網民擔心，他臉上的黑斑是「黑色棘皮症」（Acanthosis Nigricans，AN），這是一種皮膚病症，可能是由於體重過重，引發糖尿病與心血管等疾病的先兆，通常是潛在健康問題。
吞雲吐霧
對於臉上的黑斑，林雪未見着緊，今年9月於《PTU》20周年重映活動上，他曾經解釋可能長期左邊臉遭陽光曬，並補充︰「醫生話我聽，因為瞓覺成日側左邊，同埋我諗嘢會托住（左邊面），所以咁樣會有個印喺度。」至於之前的減肥計劃？他笑言：「冇繼續啦，淨係朝早食麥皮同腐乳就OK嘅，但食咗早餐就覺得嚡口嚡面，於是中午整個好淡口嘅梅菜扣肉炒底，夜晚再整碗豬腳飯，咁就啱啱好！然後第二朝再食腐乳麥皮，但點解好似冇瘦到咁嘅？」
縱使已經「登六」年紀不輕，好應該要關注健康；然而，林雪除了回復胡亂飲食之外，還狂吸煙。日前的下午時份，本刊於旺角發現林雪正在車廂等候朋友；期間，他一直在吞雲吐霧，還舒服到伸手到窗外伸展，叼煙完畢又睇手機，狀甚享受。雖然他懶理個人健康，但卻甚有公德心，事後將煙頭放回車廂，未有隨街丟。其實減肥最緊要堅持，如果林雪希望身體健康、長命百二歲，一定要做好雙戒，既要戒口又要戒煙！
延伸內容：林雪同老婆到魚蛋粉麵店醫肚 九龍城街頭繼續谷大肚腩
《東周網》訪談系列節目《星桄伴我心》12月重磅嘉賓：
即睇：「海馬」老闆鄔友正因翁嘉穗重病痛哭 妙論太太係老虎乸 徙置區小子創富路
即睇：佘詩曼公開美魔女育成秘笈 感傷最後道別許紹雄 驚險慈母心臟停頓20秒
立即追蹤《東周刊》全新WhatsApp頻道，緊貼全城熱話、突發猛料、獨家消息！
