發佈時間：16:43 2024-12-16
近年「直播帶貨」在內地火熱，大勢所趨，就連劉德華、古天樂和曾志偉等都有進軍，當中的先驅苑瓊丹和「細細粒」陳嘉佳每場更加有成千萬銷售額，賺到盤滿缽滿。前年憑TVB劇集《下流上車族》成為「視后」的江美儀，也有意分一杯羹。繼開設內地平台後，最近又頻頻北上。
日前，萬事俱備的她，還低調出巡走訪北角一文青地段，搵定一些本土產品作北上帶貨之用。現場所見，她逐一走入不同的店舖，由香薰、本地零食、寵物食品，以至精緻裝飾家品等，她都細心研究。期間，江美儀獲不少街坊向她打招呼，以及要求合照；而她亦無托手踭，任影唔嬲。搜集完資料後，她便到附近一間Cafe歎咖啡，再計劃她的北上發展大計。
延伸內容：學滑雪︱ 偕江美儀往北海道學滑雪 姚書軼大讚雪夠粉跌極唔痛
主動出擊
前年，當選無綫「視后」後，江美儀的工作便接踵而來。除拍劇外，又參與綜藝節目，例如：《大灣區美味好玩攻略》、《2024香港小姐女•遊記》 等；還有剛見街的《一個香港•十種玩法 過節篇》，這個節目主力分享香港好玩好食的地方，推介留港消費。
近年中港兩邊走的江美儀，眼見明星北上「直播帶貨」成內地熱潮，酬勞也相當有吸引力，譬如：苑瓊丹曾提及一場直播，隨時可賺100萬元；而陳嘉佳（細細粒）同樣賺到笑，不單止周身名牌，還中港兩地都有物業。適逢內地有人向江美儀招手，她便開始認真考慮一下。不過，江美儀自言思量期間，也有一番掙扎，「最初經理人同我講，都有反感，黐線！我係演員，做乜賣嘢。但慢慢開始認識個市場，又睇到內地紅星寧靜、李辰都開直播，原來個趨勢係咁，我咪決意挑戰自己，要離開舒適圈，要出去闖吓。」
向來心思細密江美儀，扑槌去馬後，除了直踩入杭州直播總部，了解直播市場運作，又開立內地平台帳號，每日都會與粉絲交流。早前，一段她夾口形唱〈越難越愛〉的短片，已逾500萬流量，她打算用大約1年的時間籌備，「我每日都同粉絲開直播，嗰1小時都有成10幾萬點擊，仲有佢哋來自不同地區，星馬、中港台、美國、澳紐等地都有，又會送禮物俾我，我都覺得好有成功感，好滿足，好自high！」
低調出巡
稍後做直播帶貨將要不停說話，江美儀就表示，今年為梁思浩的網上直播節目擔任主持，正好給予她練習機會︰「雖然我有電台底，但始終係網上事業，我咪主動聯絡思浩，叫佢俾我上去學嘢，適應多望鏡頭。而我同時有跟韋綺姍學唱歌，真係學到嘢，講嘢唔使咁用氣。」
日前，萬事俱備的江美儀，還低調出巡走訪北角一文青地段，搵定一些本土產品作北上帶貨之列。現場所見，她沿着街道，逐一走入不同的店舖，由香薰、本地零食、寵物食品、精緻裝飾家品等，都細心研究。期間，江美儀獲得不少街坊打招呼及要求合照；而她亦無托手踭，任影唔嬲。搜集資料後，她便到一間cafe歎咖啡，再計劃心中大計。
對於北上帶貨信心，江美儀表示︰「我之前試過喺直播賣樓，都賣出咗過千萬嘅單位，又試過賣鮑參翅肚，都有7位數嘅銷售量。我唔怕輸，亦唔怕遲入行，因為每次開直播，都多咗人認識我，已經係賺咗。呢行係多勞多得，我都好期待。」
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
即睇：「黑妹」李麗霞2段婚姻3次患癌「我其實係一個軟弱女人！」｜星桄伴我心
