發佈時間：15:36 2024-11-07
53歲的江美儀入行逾30年卻緋聞不多，與吳君如胞弟吳君祥的一段情長達逾十年，二人拍拖11年，於2018年爆出分手兩年消息，其後吳君祥的爸爸夏春秋爆料，江美儀與吳君祥早在2006年在西雅圖註冊，由分手變離婚。
延伸內容 : 與6呎高新歡滑雪「洩蜜」 周秀娜破10年Dry勁風騷
延伸內容 : Dry咗3年 高海寧「蜜」會型男斷正！
延伸內容 : 《東周刊》獨家發現 鄧麗欣新戀情曝光 貼合照甜蜜認愛
孖吳家樂大爆娛圈秘聞
江美儀前晚（11月5日）和吳家樂主持YouTube頻道節目《娛樂好好玩》，大談圈中熱話及大爆秘聞，談到話題「Babyface港男墮相親騙局，藝人要搵伴侶係邊度搵？」時，江美儀突然自爆個人經歷，她坦言有見及認識的專業人士朋友，最近在交友App成功覓真愛，更準備結婚，自己都心動想一試。
江美儀玩交友App目的係「約炮友」
江美儀向吳家樂表示：「佢仲教我第一次見面千祈唔好食晚飯，有咩事『彈鐘』就早啲走，飲杯咖啡咪好囉。」江美儀了解過後，更細心挑選數間有信譽，又多成功例子的交友App，並付費入會希望結識高質對象。
江美儀又透露玩交友App的細節：「我登記咗幾個，有啲同我傾過偈、閒聊，我放咗自己張相上去，其中一個交友App以為係假江美儀，仲封咗我，應該有人舉報。」江美儀又提到方力申及麥明詩同樣試過玩交友App被封帳號，她還打趣問吳家樂是否認識歐倩怡，因聽聞對方也有在交友App識朋友。
被問到會否擔心被人發現身份，江美儀坦言擔心，所以現階段只分享側面相，而且用上假名：「我真係想搵對象，所以初初唔係香港，搵外國人，內地都有搵。」有網民提醒識朋友要小心，因有不少人的目的是「約炮友」，江美儀即大笑承認：「我都係，我冇話我唔係，我就係想咁之嘛，你哋以為我做乜，搵真愛呀，哈哈哈！」
江美儀對男士年齡有要求
江美儀續表示對男士有年齡要求，要在35至40歲之間。吳家樂即追問是否要精壯類型，江美儀直認：「梗係啦大佬，又拍痰呀！」江美儀更笑言：「佢將我陰霾驅走，賜我新生命，新前途。」不少網民期待江美儀有好消息，也有人叮囑要做足安全措施，江美儀自爆：「放心，我依家好難㗎喇，好難會出事，我想出事呀，綁住個男人嘛，但依家難呀大佬。」
