更新時間：15:13 2026-09-17
發佈時間：15:13 2026-09-17
發佈時間：15:13 2026-09-17
苟芸慧昨日（16日）以低胸打扮出席汽車體驗店開幕禮，透露稍後將拍攝內地時裝劇，跟當地小鮮肉演員合作。問現實中可有小鮮肉追求？她笑言沒有：「事業成功，你驚冇小鮮肉咩！」
與曾志偉斟合作
提到舊愛羅天宇公開認愛陳懿德，苟芸慧戥對方高興，表現大方。「呢個年代要搵到互相心儀嘅另一半係好難嘅事，只要係健康、幸福嘅關係，我都為佢哋開心。」
苟芸慧復出後，有傳曾志偉向她招手，想跟她簽約成為旗下藝人。苟芸慧直言早前在活動上碰見對方，有傾合作，「我開了工作室，唔排除同不同公司合作，適合就會合作。」
受87%女性歡迎
對於TVB前總經理陳志雲大爆內幕，透露當年有一位外貌極之出眾，獲高層賞識的女星缺乏女性觀眾緣，捧極唔紅。苟芸慧即刻劃清界線，認為際遇講求天時、地利、人和，而自己在小紅書則受女粉絲歡心，佔87%，反而男性只有13%。
炒車現場變「苟姑娘彎」
另外，苟芸慧想起2015年為了慈善賽車而考取國際賽車執照，豈料在珠海賽車場考牌期間落雨，發生意外，炒車收場。她說：「嗰日落雨，前面有車撞咗，嚟唔切反應就出事！成架車翻咗三個半圈，個人倒轉咗，車門打唔開，但冇油外洩，好多人過嚟救我，最後兩截肋骨裂咗。」又試過彎位反車，被考官取笑以後肇事地點叫「苟姑娘彎」。
延伸閱讀：苟芸慧離婚後強勢出擊 親解「復出」真正原因！
延伸閱讀：苟芸慧情史豐富 曾傳戀上郭富城 與羅天宇姊弟戀不被看好
最Hit
