發佈時間：14:45 2025-05-14
TVB「超強綠葉」楊證樺（Man）近期榮升保安公司老闆，早前分別在啟德體育園舉行的香港國際七人欖球賽和謝霆鋒演唱會中，穿上保安制服監場，結果吸引不少Fans與他合照。輪到五月天的演唱會，阿Man繼續在現場坐陣，而他身邊竟然出現「世紀賤男」黎振燁（Jackson），只見兩人在場巡視，期間有傾有講，更惹來粉絲目光，紛紛上前合照。前日（12日）就有網民在小紅書貼上與兩人的合照留言：「啟德打卡TVB藝人成功。」黎振燁自2020年被爆背大肚妻偷食朱智賢，事業和形象直插谷底；神隱近4年的他終於復出，網民留言大讚阿Man好人，亦有人稱：「（黎振燁）唔係已經衰咗？」
「平頭裝」黎振燁身形比前清減不少
前日有網民在小紅書貼上與楊證樺和黎振燁的合照，並留言：「前陣子已經看到有很多人說TVB藝人在啟德再就業，今天一進內場就看到幾個身高體態出眾的男工作人員，認真一看果然就是TVB藝人啦～ I人勇敢一回問合影，他們馬上就說沒問題～好熱情好好哦，合影後還說祝我們今天看得開心。其實開場後看到過幾次他們走來走去在工作，身高太出眾無法不留意。」從相中看到，黎振燁剪了平頭裝，身形比前清減不少，未知他是做全職或兼職保安。
相片曝光後，有網民留言稱是另類《機場特警》，亦有人說：「老板人挺好的啊，看來帶攜了唔少tvb同事（左邊的醜聞退圈了，霆鋒場內看到了奶仔）。」、「那個男的去了當安保。」、「那個站在她旁邊的黑黑的也是之前tvb，香港先生冠軍，怎麼來做保安了呀？」、「左邊嗰個唔係已經衰咗？」、「前幾年偷吃被抓到了，估計沒活幹退圈了。」
黎振燁被爆出偷食事後勒令暫停工作
有「翻版古天樂」之稱的黎振燁，於2016年勇奪香港先生競選冠軍，其後為TVB拍過不少劇集。入行前已結婚的他，2020年被爆背大肚妻偷食朱智賢，出軌一事受全城關注，黎振燁更被網民封為「世紀賤男」，事業和形象直插谷底，隨即被TVB勒令休息，暫停所有演藝工作，原定參演的電視劇《拳王》及《七公主》亦被易角。
在幕前消失近4年的黎振燁，去年4月終於現身並接受傳媒訪問。黎振燁稱事件發生後，除了帶BB去健康院外，其他時間都不敢見人，試過整整8個月都未有出外，連電話、新聞都不敢看，整個人的情緒處於非常敏感、不穩的狀態，也十分不知所措，所以避得就避。
黎振燁曾稱在這段日子主力湊B，靠積蓄過活，而且留在家可以慳錢，幸好本身都不大使，但始終要照顧BB的生活開支也頗大：「我冇得食唔緊要，要畀小朋友食。」其後黎振燁在太太的支持下，決定復出重投演藝工作，當日因犯錯而失去演藝前途，太太覺得十分可惜，他亦曾想過轉行：「我要收埋自己好容易，我要避開所有嘢其實真係好容易，有幾難？但係我要面對或者我要企番起身，係好難，但係為咗小朋友我都會試。」
黎振燁與TVB完約後一度感到前路茫茫
當時黎振燁與TVB完約後一度感到前路茫茫：「作為自由身演員冇咗公司照顧，要重新尋找方向難免有一定困難，搞到咁徬徨，令自己咁麻煩真係好後悔，原先可以避免到嘅事情，但自己冇去避免，事件真係影響好大，我唔係一個聰明人，但唔會蠢到覺得經已冇事，可能係一生人嘅烙印，我只求一個機會畀我做好自己，沖淡一生烙印。」
黎振燁還稱學習面對自己，成為兩子反面教材：「如果連爸爸都因為逃避責任同過錯，要放棄演員夢，就冇資格叫佢哋要堅持，要畀佢哋知道就算要披荊斬棘，都要為做過嘅錯事負責任，我寧願筋疲力竭、七勞八傷，真係冇晒辦法我先會結束演員夢。」黎振燁曾稱跟朋友學做幕後：「我好熱愛演戲，除咗想做返幕前，創作、編劇同製作乜都想試，之前曾膽粗粗寫過溫情、科幻劇本，唯一唔識寫愛情小品，但全部未達標。」
延伸內容：前港男冠軍黎振燁偷食朱智賢事業插水 神隱4年終現身 !
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
