更新時間：16:30 2025-05-14
發佈時間：16:30 2025-05-14
發佈時間：16:30 2025-05-14
陳嘉寶（Anjaylia）出道後齊蔭長髮的形象深入民心，最近她在社交平台展示她的新短髮look，她直言為了工作要將長頭髮剪短，並稱從未如此清爽過，加上獲一眾圈中好友和老公力讚好睇，只是「男仔頭」令3個女兒難以接受，有個囡囡仲話：「可唔可以兩日變番長？」令Anjaylia不知如何回答。
因工作剪短髮換新造型
原來Anjaylia一直想剪短頭髮，今次終於搵到「藉口」，她直言：「大家一路以嚟對我嘅印象都係長髮襯我，同埋做嘢會多啲變化，但其實我一直都好想剪短，只係覺得留長髮留得咁辛苦，冇乜原因同藉口要剪，所以等咗呢個機會好耐。點知今次嘅工作係要剪短頭髮，所以聽到時好開心，第一句就話：『正呀！我終於等到呢個機會喇！』」
笑稱慳番時間和洗頭水
陳嘉賓表示今次要剪掉超過10吋長的頭髮，而剪短之後，她真的覺得好爽；短髮look又獲一眾圈中好友包括麥明詩、蔡穎恩、賴慰玲、岑麗香和何嘉莉等力讚好睇，紛紛留言稱她是「清新大美人」，Anjaylia亦笑言：「條頸有啲涼浸浸唔係好慣，但𠵱家洗頭、吹頭都慳番唔少時間，仲慳埋好多洗頭水同護髮素添！」
她續說：「我好多年前都有剪短頭髮嘅經驗，當時每日瞓醒都好似飛碟咁飛起晒，所以今次髮型師畀好多信心我，用咗佢嘅方法，𠵱家起身梳兩吓就得，真係意外嘅驚喜！」
女兒難以接受媽媽「男仔頭」
早前趁着假期，Anjaylia一家五口到峇里旅遊，3個囡囡首次看到媽媽的新短髮造型，均難以接受，Anjaylia笑言：「我老公都戥我開心，覺得短髮好適合我，但係小朋友見到就打咗個突，話鍾意我長頭髮多啲，因為公主都係長頭髮；而搞笑嘅係，其中一個女問我做乜剪短呀？我答佢因為媽咪要做嘢，佢鬆一口氣就話：『幾日啫！之後可唔可以兩日變番長？』小朋友嘅童真真係幾得意，希望短頭髮畀到我更多新嘗試同機會啦！」
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
最Hit
