更新時間：16:50 2025-03-25
發佈時間：16:50 2025-03-25
發佈時間：16:50 2025-03-25
歌手馮允謙（Jay Fung）日前出席調景嶺區學院活動，更在被喻為「黑膠聖地」的「V Music Library」做1日店長。當日Jay Fung還與黃志淙博士分享自己的唱作人生，見到現場咁多黑膠碟時，仲興奮話想出番1張，即惹來到場支持的粉絲和樂迷起哄。
聽不同廣東歌勝地
Jay Fung來到「V Music Library」相當驚喜，皆因這是熱愛廣東音樂者不能錯過的地方，他說：「呢個係好好嘅地方，集中晒歷史以嚟咁多廣東歌手嘅作品，大家如果有興趣可以嚟呢度，欣賞唔同類型嘅廣東歌。」
興奮稱要出黑膠碟
當他見到現場有大量的黑膠唱片，還表現興奮說：「見到咁多黑膠碟，搞到我都好想出番張黑膠碟。」現場粉絲和樂迷聽到立刻起哄，黃志淙隨即鼓勵Jay Fung可考慮推出黑膠唱片，搞到Jay Fung都心郁郁說：「真係可以諗吓！」
聽〈Let it Be〉聽到喊
Jay Fung即場跟大家分享喜愛的音樂，其中就有殿堂級樂隊「The Beatles」的經典金曲〈Let it Be〉，他續稱：「記得喺課室第1次聽到呢首歌時，我係聽到即刻喊，唔識得形容嗰刻心情，真係好心痛，呢隻歌好觸動到我心，所以今日都好想同大家分享，呢隻歌嘅歌詞好簡單、好易明，但係亦有好多意思喺裏面，雖然有啲歌詞係重複咗，但係好有意思。」
寫歌搵題材同自己傾偈
提到Jay Fung平日寫歌的小習慣，原來有時他先會寫完旋律，但未必即時想到歌曲內容，而他除了會做資料搜集外，還會用一個方法搵題材，「有時寫歌我會瞌埋眼，瞓喺床度同自己傾吓偈，諗吓自己有咩想講。」
延伸內容：馮允謙2025新歌《然之後》 教人學懂接受及放下 陳健朗任MV男主角
延伸內容：馮允謙出道13年默默耕耘望摘金坐正
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
最Hit
