發佈時間：17:59 2025-03-12
唱作歌手馮允謙（Jay Fung）今年首支派台作《然之後》，講述人生經常面對高低起跌，要學懂接受、面對和放手。入行超過10年的Jay，每當遇上難關，總要自己一個人面對，他稱孤單並不可怕，可以搵朋友或屋企人傾訴，他稱行海旁是一個好方法，能令自己得到平靜和釋放。
MV搵專業演員陳健朗任主角
新歌由Jay與T-Ma聯合作曲，還有首度合作的小克負責填詞；至於MV，Jay就搵嚟合作多次的Maggie執導，並由陳健朗擔任MV男主角，Jay認為由對方演出比自己更勝任，他解釋：「因為首歌想帶出嘅訊息比較沉重，希望大家睇到MV時會有一個好深嘅感受，所以起用專業嘅演員，我覺得比較適合。」
他續稱：「人生好多事情會不斷變，當下你擁有嘅一切，下一秒有可能失去，如果大家有睇過個MV，第一幕會見到男主角遞辭職信，原來佢患咗重病，要做一個大手術，但佢人生仲有好多夢想未完成，但因為呢個病，未來嘅路令佢存在好多變數，MV最後一幕，佢同一個小朋友傾偈，其實個小朋友係佢自己，代表佢搵番自己嘅初心。」
馮允謙愛行海旁開解自己
馮允謙入行超過10年，在唱作路上曾面對不少起跌，每當遇上難關，他總要學懂自己一個人去面對，但他認為孤單並不可怕，反而很享受孤單帶來的平靜，他說：「通常當全日工作完成返到屋企，同屋嘅孖生細佬啱啱外遊，會有一種孤單嘅感覺，但當年紀日漸長大，我會鍾意自己一個，有份自由、平靜嘅感覺。」
他更有一個方法去開解自己，「無論開心抑或唔開心，我都鍾意行吓海旁，又或者同朋友、屋企人、細佬傾偈，尤其當個腦好多嘢諗，要想辦法釋放時，行海旁可以令自己得到平靜，我鍾意用呢種方法去開解自己，重新整理內心。」Jay的新歌《然之後》正正是帶出，無論人生遇到任何起起跌跌，都要學識接受、面對，諗辦法放下，如歌詞內容提到：「然後好好慘敗 然後好好長大 然後充滿力氣好好 欣賞美夢瓦解。」
延伸內容：馮允謙出道13年默默耕耘望摘金坐正
延伸內容：馮允謙超寵粉 逐一聆聽歌迷心聲 簽唱會簽足5個半小時
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
