發佈時間：15:38 2024-12-30
「唱作王子」馮允謙（Jay）昨日（29日）在將軍澳舉行個人大碟「EMO」簽唱會，演唱碟內作品《無理取樂》和《會再見的》，千人圍觀，約500歌迷排長龍，大合照時更一齊高呼「Jay Fung I Love You」，非常熱鬧。馮允謙的簽唱會於下午3時開始，唱歌表演後，3時45分開始簽名環節。馮允謙除了簽名和寫感謝詞，更逐一跟他們說說話，大約晚上8時半才圓滿結束，期間排隊的歌迷大合唱打氣，而馮允謙笑言太投入為大家簽名而忘記去洗手間。
延伸內容 : 與馮允謙合唱新歌 山頂7度拍MV寒風凜冽 短裙Marf拒換裝 Jay嘆心痛：愛靚唔愛命！
延伸內容 : 盧慧敏拍《得寵先生》 爆料馮允謙首日開工 狂問26次：你緊唔緊張？
延伸內容 : 得寵先生︱ 鄭丹瑞激讚廖子妤120分超班演出 首次演戲馮允謙怕被嫌棄
歌迷心聲逐一聆聽
簽唱會順利完成後，馮允謙說：「近年因為工作來去匆匆，無機會停下腳步同歌迷傾吓偈，今日可以逐個聽吓佢哋對我啲歌和唱片嘅感受，有啲歌迷同我講，我嘅音樂點樣影響佢哋、陪伴佢哋、帶畀佢哋正能量，對我嚟講好有意義。因為我每次寫歌做音樂就係希望令人有感受，聽到佢哋嘅故事，知道我可以幫到佢哋，真係好感恩，好多謝大家。」他又稱：「好感動，有歌迷為咗嚟今日簽唱會，原本去外國旅行都改行程，或者專登留喺香港。仲有啲歌迷嘅男朋友或老公陪另一半嚟支持我，等咗幾個鐘，好有愛，我要向佢哋好好學習。」
馮允謙回望2024年過得好充實
不少歌迷花心思打扮，又製作禮物送馮允謙，有歌迷更抱埋BB排隊簽名。其中一位媽媽級歌迷對馮允謙說：「你去年第一次紅館演唱會喺台上打鼓，佢（指BB)喺我個肚裏踢我，今年你開第2次紅館演唱會，佢出咗世啦，所以帶佢嚟見你！」亦有不少歌迷預祝他元旦日叱咤頒獎禮上有好成績，為他打氣。
明天除夕，馮允謙回望2024年十分感恩，他說：「今年好充實，完成咗好多願望，工作上做咗好多演出，而且終於出到自己嘅大碟，又可以搞簽唱會同大家見面，而歌迷願意咁樣排隊等我，逐個逐個傾偈，對我好大鼓勵，我真係好開心、好感恩。」2025年將至，馮允謙就同大家承諾會繼續衝，繼續寫更多作品回饋歌迷支持，他希望放假去一個從未到過的地方旅行，刺激創作靈感。
《東周網》訪談系列節目《星桄伴我心》12月重磅嘉賓：
肥媽攬屍唱情歌 憶亡夫飲泣 搵胡楓哭訴對話大公開
「黑妹」李麗霞2段婚姻3次患癌「我其實係一個軟弱女人！」
《異空感應》阮浩棕演技大爆發 罕談緋聞女友何沛珈 致電某人激動爆喊真情流露
