更新時間：23:04 2024-04-14
發佈時間：23:04 2024-04-14
發佈時間：23:04 2024-04-14
嘉玲一出手，便知有沒有！劉嘉玲今晚（14日）為金像獎擔任「最佳新演員」及「新晉導演」的頒獎嘉賓，未開口講入行40年的奮鬥史前，一出場已成為今晚最大粒「花生」！頸上那抽金龍蝦，一身「Loong蝦」造型，豈止是點睛之作，百分百搶Fo完勝！
以黑色晚裝現身的劉嘉玲，一出場已吸盡全場目光，仲玩事業線？No la！嘉玲姐將事業線升呢，頸上戴了一條斤両十足的金龍蝦，嘉玲變「蝦玲」！最緊要新鮮，呢套新鮮運到的「Loong蝦」海鮮裝，要carry真的絕不容易，嘉玲姐親自霸氣示範！
嘉玲姐所戴的金龍蝦，是來自意大利品牌Schiaparelli的2024春夏系列，據官網顯示，售價是9,900歐元（約8.27萬港元）。除了龍蝦，還有蟹及魚，盡集魚蝦蟹！惟以魚為設計的頸飾，卻非以金作物料。
網民仲識貨，立刻想起33年前電影《與龍共舞》中，葉德嫻的「Gigi Vigigi」龍蝦裝，笑指嘉玲姐是向葉德嫻致敬！1991年上映的電影《與龍共舞》，由劉德華、張敏、葉德嫻、吳孟達主演，其中一幕是飾演「十一姑」的葉德嫻，和張敏去ball，點知被龍蝦夾胸，為免失禮即死撐：「你以為呢套龍蝦裝，個個都可以着得到？係意大利名師Gigi Vigigi幫我設計！」
薑，真係愈老愈辣！老公梁朝偉憑《金手指》勇奪「最佳男主角」，雖然梁朝偉未能到場攞獎，唔緊要，嘉玲姐再以含「Loong」量超標的氣場上台代夫攞獎，仲高呼老公係「最偉大演員」，連梁朝偉都甘拜下風，聲聲「嘉玲姐！」今晚金像獎，邊個係影帝影后，已經唔重要啦！
最Hit
