發佈時間：19:42 2025-11-05
醫院管理局日前公布「優化醫療費用減免機制下的申請安排」，並曝光了目前為免費的殮房收費表，顯示公立醫院殮房將自2026年1月1日起改為收費，引發熱議。有殯儀業界人士透露，由於爐期逼爆，加上醫院處理文件需時，先人遺體平均須存放約一個月，「要繳付$4000畀醫管局」，且「呢個錢基本上係一定要俾」，若存放過久，甚至可能高於出殯服務。
遺體存入當日起計 第4日開始收費
根據醫管局新聞公報附件載列「公立醫院行政收費」中的殮房收費表，遺體存放首3日不收費，第4日起每日收100元。若繼續存放，第18日起將每日收取200元，至第34日起每日加至550元。
殯儀業界人士：先人冇可能3日內出到殯
殯儀業界人士「bonleung_」在網上發帖直言，新收費安排「唯一好處係鼓勵家屬盡早同先人辦事」，惟因現時爐期逼爆，「一到冬季即殯儀旺季，到時爐期又係得個搶字」，形容「用埋長洲個火化爐都趕唔切」。加上「醫院文件有陣時，如果隔住啲紅日同埋星期六日，根本都冇可能三日內出到」。
他認為先人基本上不可能在3日豁免收費期辦完出殯，「所以呢個錢基本上係一定要俾」，「就算真係咁好彩極速快配合到其他嘢，一千幾百點都係要俾醫院」。他估計，「現時大部分存放3至4星期先會出殯，存放一個月就要繳付$4000畀醫管局」。假如若存放時間過久，「有機會個費用，仲高過殯儀醫院出殯服務」。
網民望行政能配合
由於公眾殮房日後仍然免費，有網民想到將先人遺體由公立醫院轉移至公眾殮房，以免卻收費，但「bonleung_」指出，「醫院嘅遺體一般唔會送去公眾殮房」，只有非自然死亡才會被送去。有網民亦問到，若獨居老人遺體無人認領會如何收費？「bonleung_」回應指：「如果冇義工跟進，就係當放棄遺體，食環收，送沙嶺。」
新收費安排引發網民熱議，大部分希望政府在爐期上能作出配合，以免在爐期逼爆下，加重家屬的喪禮開支。有人還擔心「冇錢連死咗都冇地方住（放）」：「唔係屋企人想拖，爐無期就乜都無得做。」有網民則認為火化爐期應相應做24小時，以減少存放時間：「遲啲係咪搞埋火化247，配合下？」
網民：咁似啲自提點
亦有網民對收費感不滿，批評「行政配合唔到3日內，同夾硬搶錢有咩分別啫」。有人更揶揄收費模式如同自提點：「咁似啲自提點，過咗2日開始計罰款。遺體自提站？」
來源：醫院管理局新聞公報、bonleung_＠Threads
