發佈時間：21:51 2025-11-04
在港有十間瑜伽中心（Pure Yoga），近日去信會員表格示今年12月將關閉尖沙咀半島辦公大樓, 令不少會員大感突然。
Pure Yoga的瑜珈中心包括尖沙咀半島辦公大樓、金朝陽中心、太古廣場、旺角MOKO、朗豪坊辦公大樓等，另有十一間健身中心（Pure Fitness）。
12月關半島辦公大樓分店
Pure Yoga可說是本港連鎖瑜伽中心的「始祖」之一，其中尖沙咀半島辦公大樓分店於2005年開業，至今已經20年。有會員在社交平台上大呻：「Pure Yoga 執咗尖沙咀半島個Centre，叫all Kowloon而去開尖沙咀為主嘅card holder情何以堪。本身可以去四個studio到時淨係可以去三個。」
該名會員繼續呻道：「觀塘apm唔就腳十世都唔去一次，朗豪坊又舊又臭又污糟，得返MOKO係比較可取，但又唔太就腳。月費照比同價唔會平，但預計去嘅次數直線下降，早知join all centers 冇咁嬲。估唔到去做個瑜伽都會俾人割韭菜，嚟緊後年一月約先完，成為最底層的韮菜。」
會員更衣室互訴苦
本刊聯絡到一名初始會員芬姐，她既不捨又帶點生氣：「我2005年3月開始，玩到今日，未斷過。今日落堂後大家都互相慰問，你點呀？你打算去邊？」
芬姐表示十分無奈，因為現時店方提供的方案是有六個月比我哋過渡「all kowloon」，「只是朗豪坊、MOKO和apm三間分店，三間我都冇咁方便。Musea就過渡六十日，但該分店一向冇瑜伽，聽聞依家砌三間瑜伽房，唔知明年一月時有沒有高溫房，半島本身咁多會員，又唔知可唔可以容納哂。」她表示店方現在叫大家過渡期後，「睇吓邊度落腳，再傾餘下安排方案。」
另外，有名會員嬲到想搵律師處理，因認為店方違反商品說明條例，「雖然搵律師仲貴，但成件事真係唔合理。Pure職員同我哋傾續約，當然最想我哋簽All Centre，即係間間都去得，因為月費都變相高咗。」
另一名會員又稱，今年八月續約時，已經心大心細，「因為傳咗好耐半島唔續租，職員卻半暗示話公司好似有計劃kimpton開，所以我先續！但根本就冇！覺得俾人誤導我續約。主要問題係大家份約簽半島，你半島唔做，已經冇履行合約，仲講到要我感恩，幫我過渡轉去其他分店，唔比退錢。」
她表示如店方肯退還費用，就不再追究：「我八月先續約，一簽簽兩年。你應該退返錢畀我，我自己考慮，而唔係叫我簽完兩年約，就話半島唔做，拎住我舊錢，焗我轉，仲要我感恩咁。」
