發佈時間：16:31 2026-10-05
《女神配對計劃2》於昨晚（10月4日）播出第五集，除了俞可程與混血靚仔方智弘（Oscar）上演浪漫戲碼成為熱話之外，何沛珈同吳俊峰的一對都好吸睛。在主菜席位上，何沛珈好奇問及一旁的吳俊峰過往拍過多少次拖，吳俊峰竟然好坦白地表示，自己真正拍拖只有4次，但就試過拍不同的散拖，對住女神，他誠實得如食了誠實豆沙包。
吳俊峰勁老實自爆拍慣散拖
在主菜席位上，何沛珈好奇問及一旁的吳俊峰過往拍過多少次拖，吳俊峰坦白回答：「認真拍係 4 次。」何沛珈隨即追問：「唔認真拍呢？」豈料吳俊峰亦毫不遮掩：「中間試過拍唔同嘅散拖囉，幾個禮拜、幾個禮拜⋯⋯」聽完吳俊峰這番出人意表的回答，何沛珈頓時震驚得「O嘴」。事後何沛珈接受訪問時，就表示：「我聽緊啲乜嘢？點解你突然之間同我講你唔認真拍拖嘅經歷呢？有令到佢減分。」
為全場「最強神助攻」
雖然因為太坦白而嚇親女神，但吳俊峰在節目中卻獲封為全場「最強神助攻」！吳俊峰不僅在阮嘉敏與吳旭東（東東）的「暖」字考驗中，貼心將阮嘉敏的手拉到東東胸口，造就東東「解放胸肌」為女方取暖的高光時刻，更在「爭凳仔」環節中，主動讓凳仔給另一求愛勇者 Oscar，他表示：「佢好需要呢個位子！」，成功給予對方與俞可程（Kanis）玩遊戲、深入了解的機會，細心又講義氣的舉動獲花生團大讚，連俞可程都有親自表達感謝。
吳俊峰畢業於英國名牌大學
現年 29 歲的吳俊峰（Mark）擁有 186cm 高大身材，身兼演員及模特兒，曾拍攝多個廣告及 MV，更憑演出電影《遊》入圍香港同志影展。此外，他亦曾參演《夫妻的博弈》、《模範律師團》、《正義女神》、《璀璨之城》、《模仿人生》及《玫瑰戰爭》等多部劇集。
Mark畢業於英國蘇格蘭格拉斯哥大學（University of Glasgow）與香港浸會大學電影學院，絕對是名副其實的高材生。至於興趣方面，Mark除了平時喜愛攀石、籃球等運動外，更擅長「編織冷物」，極具反差感。
