更新時間：15:38 2026-02-26
發佈時間：15:38 2026-02-26
發佈時間：15:38 2026-02-26
《東張》女神梁敏巧（Maggie）早前自爆搭東鐵頭等時，因為「大頭蝦」搭咗一次霸王車，被職員查票發現，但好彩港鐵職員知佢無知而放過佢。雖然梁敏巧自動波走出嚟認樣衰、認錯，但都有好多網民咬住佢唔放，有網友就話：「你作為《東張》正義女神應該點都要去交罰款做好榜樣，唔理你咩原因，冇畀錢就係冇畀錢，否則港鐵規舉就蕩然無存。」、「解釋等於掩飾。」、「解釋咁多有咩用，即係冇畀啦。」、「我上次又係用alipay入閘坐頭坐被捉，但我要交罰款，點解你唔洗就係因為你係《東張》『女神』就有特權大X晒？」女神認錯一樣有錯，繼續引來網友嘅公審。
九秒九認錯兼「罰款」
喺大家繼續公審女神之時，東姑去飯局時，就啱啱撞正女神等開餐，大好時機八卦，當然要入去問個究竟，梁敏巧一見到東姑現身就九秒九解釋自己當日並唔係有心坐霸王車，只係「大頭蝦」，並一再重申：「我真係唔知港鐵職員知唔知係我，因為我戴晒帽同口罩，又唔化妝，我唔知佢哋其實知唔知我係邊個，我亦唔覺得佢哋認得我，因一路以嚟都係用『小姐』稱呼我。」梁敏巧稱事後追究亦願意接受：「都係罰1000蚊，唔係咩嚴重事件。我從來冇唔認衰，冇話冇罰錢好得戚嘅心態，我從來都唔係呢個心態。」知錯的梁敏巧就話會罰自己抄100次「我以後唔搭霸王車」同埋將1000元「罰款」捐給Big Tree大樹下善待動物庇護站，既然女神只係無心之失，大家就放過佢啦！
最Hit
