更新時間：15:42 2026-09-18
發佈時間：15:42 2026-09-18
發佈時間：15:42 2026-09-18
方力申（Alex）的舊愛鄧麗欣（Stephy），近期因圈外好友在網上留言，諷刺Stephy「死敵」傅穎（現名傅寶誼，Theresa）「冇朋友」及高敏感，之後Stephy再上載做gym時的面目猙獰影片，自嘲相由心生，似句句有骨有弦外之音，結果引爆關公災難，激發一場關於Cookies組合20年恩怨的新是非風波。小方昨日出席智能運動及健康手錶發布會，被問及此事時，即時落閘封口：「我無嘢回應。」
爆女兒是破壞王
小方的愛女方愛嘉（Isla）非常可愛，日前他分享了女兒爬行片段，坦言開始擔心家居安全，因為家中有很多雜物和角位，唯有暫時用咕𠱸擋住。「我發覺佢係破壞王，見到乜嘢都拉落嚟或扔，又喜歡向上搵嘢。𠵱家佢兩隻手算靈活，摵我啲腳毛，仲喺地氈嗰度開始搵細微嘅嘢，連頭髮都識得揀出來。」
女兒拒錫錫傷透心
小方表示要照顧女兒，睡眠質數不太好，但每天加起上來都有8小時，又指出門口時要求女兒錫他，但女兒擰轉頭拒絕，反而太太要求即有求必應，令他很傷心。
他笑說：「我覺得女孩子有骨氣、懂得拒絕人係好事，將來佢都會識得拒絕人，但佢拒絕老竇就唔係一件好事，所以依家又愛又恨。」
延伸內容 : Cookies昔日恩怨再起風波 鄧麗欣晒健身片爆PR災難
延伸內容 : 被鄧麗欣老友串爆「性格缺陷」 傅穎霸氣反擊 怒爆：聯合幾個人杯葛一個人，日日玩針對！
最Hit
