發佈時間：12:00 2025-11-05
97年港姐亞軍李明慧（Vivian），嫁入豪門21年，為教育家陳樹渠的幼子陳燿陽誕下一對龍鳳胎，但今年1月，疑遭男方持刀恐嚇及襲擊，更鬧上法庭，惟最後因證據不足，裁定他罪名不成立，雙方現正辦理離婚手續。
李明慧日前接受好友呂校長（呂詩慧）的獨家訪問，大爆婚後身心受創，包括母女被逼向男方下跪，像向皇帝求饒，又被掟玻璃杯、爆粗趕出家門，最終淪落到要用垃圾袋執走物件離開等。
訪問在社交平台貼出後，陳慧琳的姑奶、陳燿陽的好友Gigi竟火速在片段下以英語留言：「Vivian係騙子，你（呂校長）好大機會同佢一樣生安白造，可悲！」引來本是沉默的李明慧女兒Ava還擊：「咁樣只會暴露你缺乏同理心同無知。」你一言我一語，火藥味濃。
女兒代出頭
49歲的李明慧，向呂校長表示25年來從未接受訪問，今次打破沉默，「因為想保護一對仔女，尤其係個女。」
她指兩母女經常被逼向男子下跪求饒，但其實沒做錯甚麼，只為平息對方怒氣，認為當日最錯，是選擇保護對方名譽而忍辱多年。「如果唔做呢啲咁屈服嘅舉動，根本唔會停止到屋企嘅暴力。」
呂校長在社交平台公開首段訪問片段，形容事件「好得人驚」，怎料陳慧琳的姑奶Gigi即回應：「你同Vivian一樣咁得人驚，佢係騙子！」、「邊個會信呢個女人？佢完全係大話精，把刀喺邊？」
李明慧的18歲女兒Ava，隨即留言代母出頭：「有啲人對真相一無所知，就急於去標籤人係『騙子』，真係令人失望。你嘅留言證明咗受害者有幾慘：被嘲笑、被懷疑、被噤聲。話人係騙子唔代表你啱，只會暴露你缺乏同理心同無知。如果你企喺可惡嗰邊，證明你品格有問題多過佢。」
捲入罵戰的Gigi，自言認識李明慧，叫Ava收聲。當Ava表明身份，她依然不罷休，「假account，你根本唔係佢個女，你係嗰個邪惡嘅媽媽！」
Ava稱道德高地並非靠扔石頭而爬上去，又指Gigi根本無資格去評論她媽媽的人品，真相遲早水落石出。「無罪釋放唔等於清白，如果你俾人用刀指住，仲會影相俾法庭嗎？」
遭爆粗趕走
呂校長公開訪問片後，懶理收到會受「懲罰」的警告，繼續公開另外兩段片。當中李明慧透露長期遭受屈辱，「向我掟玻璃杯、書本文件，掃晒啲嘢落地下，呢個係常見。之後我有瘀傷，佢就會帶我落去見工人，同啲工人講：『嗱！唔係我做㗎！』」
她又指那個男子以「不可出賣你愛的人」為由，教導女兒在任何受傷害的情況下，都不能報警。「有個男人同個女講，如果受到傷害，千祈唔好報警，報警之後我就會毀滅你一生。」、「今晚佢走後，我會將呢度屬於佢嘅嘢都燒晒。」
自言忍辱多年，李明慧表示感覺羞恥，並在另一段訪問中播放手機錄音，證明她並非如那個男人向外所言，是自願搬走。錄音中，男子情緒失控怒吼，更叫身邊人報警，李明慧說：「呢個失控係常見嘅。」
李明慧指該男子在8小時內，不停將她的衣物掟出走廊，逼她用垃圾袋裝走物品及離家。期間，男子更用英文罵她：「你唔值得有更好嘅對待。」、「You bixxh（你這個賤人）！」
一入豪門，是否深似海？愛情，真的是一場艱深的學問。
延伸內容：林家謙演唱會有陳慧琳任嘉賓別具意義 吊在半空玩自拍大合照晒鼻孔笑爆全場
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
即睇：鍾鎮濤與范姜「姜濤戀」有火花對談 拍《巨塔之后》床上戲心得
即睇：陳煒回首離婚情傷陰霾 親授少女味保鮮心得 細訴入行30年樂與淚
立即追蹤《東周刊》全新WhatsApp頻道，緊貼全城熱話、突發猛料、獨家消息！
