更新時間：17:01 2025-11-04
發佈時間：17:01 2025-11-04
發佈時間：17:01 2025-11-04
一名港女近日分享睇樓經歷，表示曾參觀一個交通便利的單位，卻因洗手間設計太過「創新」而卻步。她在社交平台Threads發帖，指該單位雖然位置理想、租金吸引，但廁所竟設有兩個馬桶並排而坐，令她直言「幾平都唔想租」，更戲言業主夫婦是否要「拖住手一齊屙」。
帖文附圖所見，洗手間整潔新淨，空間寬敞，最引人注目的就是兩個馬桶並列設置，形成罕見的「雙塔式」格局。
雖然樓主對此設計感到不安，但不少網民卻持相反意見，紛紛留言讚賞這種安排，認為其實頗具實用價值：
「各人用各人嘅，唔使為開蓋關蓋爭拗」
「自己整污糟自己清，乾淨又唔使嘈」
「男左女右，唔好掂我個馬桶」
「一人一個，唔使等，返工唔怕遲」
「上手未沖完水，另一個即刻頂上，完美」
「唔使拖住手一齊屙，但分開用都幾好」
有網民更指出，雙馬桶設計可有效解決同住者爭廁所的煩惱：「有啲人屙屎玩手機唔肯起身，叫佢出嚟好似要命咁，呢個設計就啱晒。」
亦有人幽默表示：「如果一齊食錯嘢肚屙，兩個馬桶就救命啦」、「唔怕食物中毒要爭廁所」、「只要租金合理，兩公婆用都冇問題」。
不過，仍有部分網民認同樓主的感受，認為設計雖然有其功能，但兩個馬桶並排擺放始終令人難以接受：「多個馬桶係好事，但點解要咁樣放？」
資料來源：scentsandother＠Threads
最Hit
