發佈時間：19:41 2025-06-04
有男網民昨日（3日）於社交平台Threads發帖指，在旺角街頭疑似遇到2名騙徒險中招。據他稱，其中一人戴了口罩扮熟人，讓他一時無法確認是否認識，另一人則在兩人交談期間，趁機發獎券給他，在他成功刮中大獎後聲稱帶他前往領獎，但目的地一改再改，令他起疑並急急逃脫。事件引發網民猜測，有人懷疑兩人是迷暈黨，有人則估計他們另有圖謀！
男事主在帖子中透露，昨日傍晚，他行經旺角西洋菜南街兆萬中心外時，遇到兩名年齡「20尾到30頭」的男子。其中一人操流利廣東話、戴着口罩攔住他，「扮識我，先講好耐冇見，問我做緊乜，再問咁耐都冇轉工咩，同嗰度好做咩」。
事主直言因對方臉容被口罩遮住，「我認唔到佢係邊個，所以禮貌性做咗啲簡單嘅回覆」，但隨後其身旁、廣東話「有少少口音」的男子便與他攀談，「嗰個人就主動講佢自己叫咩名，同問我叫咩名，然後就攞咗張抽獎卡出嚟叫我刮」，結果刮中獎，「刮一刮就見到價值$888獎品，跟住佢哋就話要帶我去攞獎品」。
動機未明 事主提醒小心
事主表示當時確實跟隨兩人去取獎品，但越走越可疑。「初時我哋沿著西洋菜南街向北行」，途中事主問兩人「係咩獎品，佢無清楚咁講，淨係話到時我可以自己揀，又話之前有人抽中三百幾蚊攞走咗部電視」。
事主再問取獎品的目的地，但對方口頭不斷更改地點，「佢先講西洋菜南街同豉油街交界嘅手機舖，去到嗰個位置右轉入豉油街再講林香檸（手打檸檬茶店）。」最後，對方又說「最終位置係旺角豉油街……巷仔其中一座建築物」內的一間健身中心。最後他去到手打檸檬茶店門口，即話「唔想去然後走咗」。
事主認為事件有兩處可疑之處，一是扮熟搭訕：「正常街上撞到寒暄幾句，唔係好熟冇乜話題，就應該分開，嗰個位拖一拖已經有啲奇怪。」二是抽獎及領獎：「無啦啦攞張抽獎卡出嚟係極度可疑。之後問中咗咩唔講，問去邊又唔講，嗰陣時已經知道係唔對路，仲要上樓就真係絕對冇可能再繼續。」因此發帖提醒網民小心。
網民籲提高警覺
有網民認為事主警剔心低：「真佩服你，三唔識七，可以傾咁耐，仲要跟人走，你真係要食多D提子（指警方防騙吉祥物「提子」）。」事主則解釋：「中途未firm係咪真係唔識嘅，同埋都想知道發生緊乜嘢事，就係睇得提子多所以提高咗警覺。」
部分網民懷疑事件涉及迷暈黨：「好有可能係迷暈黨，有無諗過去啲僻處迷暈你？」事主亦坦言：「中途都有諗過。不過話曬都旺角西洋菜南街，香港應該未危險到呢個地步。」
由於最後目的地為一間健身中心，故有人懷疑事件涉及不法營銷，「呢D呃人方法成廿年啦，旺角同九龍灣淘大都遇過，最近行銅鑼灣SOGO附近，都有條友突然話係我同學，但我未見過佢，估計都係呢D呃簽健身約嘅垃圾。」有網民還指，去年底結業的大型連鎖健身中心「好鍾意用呢招」。
來源：frwhale＠Threads
