更新時間：19:50 2025-10-04
發佈時間：19:49 2025-10-04
發佈時間：19:49 2025-10-04
看到有人提款後忘記取錢，應該怎做做？有網民早前在社交平台Threads上載短片發帖，指「親眼見倒有條友唔記得攞錢就走咗，之後部機吞咗錢，我發現嘅時候條友已經走咗，難幫」。隨即有網民紛紛留言，提醒「千祈唔好掂」。
網民分享忘記拎錢經歷
樓主分享的短片僅約4秒，當中可見櫃員機已吐出至少1張100元鈔票，鈔票下方位置正閃著綠燈同時發出「嘟」的響聲，未幾，綠燈熄滅，百元鈔票被櫃員機吞回。
網民：千奇唔好掂
樓主帖子吸引不少網民議論，有謹慎的網民提醒「千祈唔好多手幫佢攞」、「千奇唔好掂，拿屎上身」、「呢啲唔好多手，到時話少咗張就大鑊」、「你咁樣做係最好，只要喺過程中，睇住唔好俾其他人攞到就得，萬一攞咗，分分鐘惹禍上身」。
網民：唔使幫㗎
也有人分享經驗之談，指「唔使幫㗎，啲錢會自動返去佢戶口」、「唔好拎走係最好，銀行會跟到」、「作為銀行職員想講每次都多得攞出嚟嘅人唔少」、「啱呀，唔使幫唔使理，大約一個星期啲錢會去返事主戶口」、「吞返咪啱囉。。。，你幫手睇住唔俾其他人攞已經係幫咗啦」。
不少網民則講述自已「大頭蝦」，提款後忘記取錢的經歷：
- 我試過一次，嗰陣一邊撳錢一邊諗緊其他嘢，結果去到第2日食飯，見自己銀包得返$200（撳咗$1000），諗返先發現自己係無拎到錢！
- 我試過無拎錢，因為當時發生咗啲事個人失咗魂，我一直都唔知+唔記得自己無拎錢，直至幾星期後銀行無啦啦俾返錢我，先記起。
- 我試過有次撳完ATM（櫃員機）無拎$500，直到一星期後上ebanking check（網上理財查數）數見到 -$500 +$500，先記得咗自己撳完$無拎。
- 我都試過，無攞錢但攞返卡人走咗，銀行後來有俾返錢我，好彩。
有人則回憶起自己不愉快的體驗，表示「之前俾人拎咗$100」、「我試過俾人拎走咗，偷咗」。還有人記得「細個見過有人唔記得拎，隔離機個阿叔見到就咁喺側邊伸隻手去拎咗啲錢」。於是有人強調「唔好貪小便宜拎，有cam（閉路電視）」、「唔係自己嘅嘢永遠唔好攞」。
資料來源：c.kei_＠Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
