發佈時間：19:43 2025-08-29
車主泊車謹記鎖好車門！有網民日前上載車Cam（行車記錄儀）短片和相片，發帖指在觀塘目擊4名少男少女形迹可疑，沿行人路走時「逐架車開吓門」。帖文隨即引發閞注，紛紛揣測4人是否想行竊或有其其他企圖。有荃灣車主更爆料指，車場管理員已有提醒，更指「早幾個月我隔籬部車就中咗招」。
樓主：逐架車開吓門
樓主於周二（26日）在facebook群組「車cam L（香港群組）」發文，指涉事4名少男少女「逐架車開吓門，唔知咩事」。車Cam畫面顯示，本月24日晚上9時16分左右，1名孭斜孭袋的少男與3名少女沿街行走時，疑似拉動泊於路旁車輛的車門，4人還不時回頭四顧。短片結束前，其中1名少女也疑似有伸手拉車門。
有網民認得現場可能是「安秀道」，有人則追問﹕「安泰邨嗰邊？」「係咪安達足球場嗰度？」「安達邨？」更有人稱「我認得呢4條友琴晚喺第二個group（群組）出現油麻地通街問人攞錢搭車，而家又到第二個區開人車門搵食」。
網民疑意圖不軌
有人稱4人為「童黨」，認為他們「意圖不軌」，值得關注。有人認為他們「好明顯想睇吓邊架車無鎖啦，之後就自己諗」。隨即有不少網民接龍回應﹕ 「開盲盒」、「想偷嘢」、「博無鎖門」、「擺明想老爆」、「睇下啲車有無漏低值錢嘢」、「刑事，不可放生，企圖盜竊」，更紛紛建議報警處理。
荃灣街坊：管理員提醒鎖好車門
更有自稱居於荃灣的網民留言指﹕「今日出車嗰時啲管理員都提我一定要鎖好門，最近勁多呢啲X街想偷嘢，早幾個月我隔籬部車就中咗招」，提醒「其實佢哋都係晚上出沒多，任何地方都要小心，尤其係少Cam啲位置」。另有網民則表示「（銅鑼灣）鵝頸橋底都有條友，通常半夜就出現」。
網民：手多多貪過癮
但也有網民認為4人可能是「靚仔貪玩」、「手多多，貪過癮」。還有人開玩笑稱「一定係搵緊老豆架車啦」、「可能想幫手睇吓啲車主有無鎖緊門」、「幫佢鎖返」、「呢啲後生真係唔話得嘅，擔心車主忘記鎖車，幫佢哋逐架check（檢查）吓。抵讚呀！」
資料來源：Kelvin Li＠facebook
