更新時間：18:50 2025-08-25
發佈時間：18:50 2025-08-25
發佈時間：18:50 2025-08-25
所謂見微知著，有網民在社交平台上分享了一段奇妙的搭車經歷，驚嘆﹕「香港人嘅高質有時係喺小事到反映出嚟！」
據樓主指，當時正要上班，剛登上巴士便聽到車長說：「八達通機壞咗，隔離部機（即係比credit card / xx pay嗰部）都壞埋。」由於車上兩部電子支付收款機竟罕有地同時故障，車長於是向乘客表示「大家上車得喇！唔洗畀」。但在場乘客卻並未藉此佔便宜，反而問「如果畀現金一程幾錢啊」，然後自發地付車資。
樓主寫道：「最後出現嘅畫面係：有現金嘅畀現金；冇現金嘅前前後後乘客話幫手畀住先，聽日等車見到先畀返佢。」有乘客身上的零錢不足，「前前後後嘅乘客話可以幫手唱」，或是「我加埋你 / 我加你加埋佢夠畀，你入錢，我地畀返錢你」。
「冇！一！個！乘！客！有！走！數！」
最終樓主驚訝地發現：「冇！一！個！乘！客！有！走！數！」他表示，雖然因為等大家付錢而遲了開車，「但我願意為呢件高質事件而等待」。
其他車長亦分享港人高質事件
事件引發網民議論，紛紛留言表示：「香港人嘅高質、自律，唔係流㗎。」「真，香港人係好唔鍾意欠人嘢／佔人便宜嘅感覺。」「真係，香港人先咁高質！」有網民還憶述「早幾年試過，大家都肯畀錢……好多人都話『搭條線咁耐，無理由要司機難做啦』」。
還有車長現身說法：「真，香港人高質，做pt（兼職）車長時試過壞哂機無車換，站長叫照行走轉義載，行咗三四個站八達通機突然得返，有乘客見到無叫其他人，自己默默走上黎嘟返，跟住其他乘客聽到聲，好多人一個個行上黎嘟返，上層都走落嚟都嘟返先落車。」雖然並非「全部人嘟」，「但無人叫嘅情況下大約七、八成人嘟咗，係香港人嘅自律」。
來源：shhh.yanyan＠Threads
最Hit
