更新時間：18:52 2025-08-25
發佈時間：18:52 2025-08-25
發佈時間：18:52 2025-08-25
有網民在「大埔人大埔谷」FB專頁發帖，分享其父親在太和廣場ATM提款時疑險遇騙的經歷，並呼籲大家提高警覺：「盡量留意一下同提醒一下老人家撳錢嘅時候隨時中招。」
事件引發網民熱議，事主發帖事件
樓主在帖文中指，事發於上周五（22日）。當時其父在太和廣場一部ATM機前排隊提款，在前方男子離開後，便上前如常按程序撳錢，未料插卡後，畫面卻自動「去咗轉帳度」。他「以為自己撳錯所以取消再撳一次」，然後「撳查詢餘額」，但畫面「都係彈咗去轉帳頁面」。其父親「發現唔正常，就撳返張卡出嚟去第二到（度）攞錢，而第二部機所有嘢一切正常」。
兩次入卡均現轉帳頁面 前排男去而復返
據樓主表示，提款機畫面異常時，其父發現剛才排在他前面的男子，原來只是「行咗去隔離嘅舖頭扮睇嘢，但一直望住櫃員機方向」，而「呢個人一直望住佢」。在其父離開異常的提款機後，又見「嗰個男人行返去櫃員機度唔知睇啲咩」。
樓主懷疑該男子有不軌企圖：「希望大家睇到呢個post之後，盡量留意一下同提醒一下老人家撳錢嘅時候隨時中招。」
網民籲報銀行及報警
帖文隨即引發關注，不少網民大讚樓主父親醒目：「好彩爸爸識字，如果唔係咁識字嘅老人家應該唔知發生咩事當撳錢咁。」同時有人敦促樓主即時通知有關銀行及報警，建議「首先你哋要改咗密碼先，再話返俾銀行知有咁嘅情況」。
有網民則對其父察覺有異後，仍繼續使用該提款機表示擔心：「既然你阿爸有懷疑仲去用？！咁可能人哋已經讀咗你張卡，同影低你撳密碼……」「（該名可疑男子）可能已經係（喺）入卡位裝咗scanner，讀取資料。」「佢哋會喺入卡位加個讀卡器喺度，你用完提款機後佢份掹走舊嘢，就已經攞咗你啲資料㗎喇！」
另有人則認為事件可能並非詐騙：「部機無現金提取就會係咁直接轉去轉賬畫面，有提示不過可能佢冇留意。」至於該名可疑男子「可能佢都係咁，所以望下你爸有冇撳到錢，不過小心啲都好。」
最Hit
