發佈時間：20:04 2025-08-27
近日有網民發帖指，現居上水太平邨一個300多呎的單位，正因急於決定是否花40萬至50萬元購買該單位，而陷入兩難。他指該屋邨樓齡已有36年，其單位天花板又曾甩過3次手掌大的石屎，擔心購買後還要花大筆維修及裝修費，但若不買，「就會迫遷去一人單位，仲要交倍半租，間屋超細咁」。其情況引發網民熱議，大家意見兩極。
樓上種花致漏水 房署已執修
樓主在「公屋討論區 - 香港facebook群組」FB專頁發文，向廣大網民求教。他指現住的單位位於租置計劃屋邨太平邨，價格折扣完後約為40萬至50萬元，但樓齡約36年，「天花板甩過3次手掌大既石屎，間屋好殘……仲值唔值得買」。
樓主擔心購置後可能要花大筆錢去做維修：「40年公屋，唔知幾時會搞大維修。」樓主還指，該單位曾三次甩石屎，「就係樓上問題，佢種花，樓上戶主收到滲水信張d盆栽放晒走廊……房署幫我補返咁」。
事主：一開始無買，而家係迫在眉睫
但若不買，「就會迫遷去一人單位，仲要交倍半租，間屋超細咁」，他指一人單位「通常得150呎」，較現住單位面積少一半。他坦言：「一開始無買，而家係迫在眉睫，自住嘅話一直租先係最理想，咁舊嘅單位，買咗又要室內維修，大廈大維修又唔知幾時，好煩。」
網民反應兩極：年過半百就免了
帖文引發關注，有街坊留言指，2000年太平邨350呎單位，「政府賣11萬幾」。對於樓主是否應買下單住，網民則意見兩極。有人分親身經歷勸樓主別買，指「先要知道跌石屎既原因，如果係樓上影響既話就唔好買，因為我就係咁，早幾年攞咗筆錢裝修，已經又有大規模裂痕」，另有人表示「唔好買啦，整完無用，我都幾後悔買咗」。
此外，有網民認為若樓主年輕可考慮買，但若「年過半百就免了」，「已經拼博了前半生，後半生該對自己好D，留D錢好好逍遙快活」。還有網民建議樓主「唔買，搬咗細，如果有錢再等機會買綠置居」、「買咗維修費條數好金，唔買都只係住細啲啫」。
已買同邨公屋網民分享經驗：一定買
惟有已購買太平邨單位的網民則力撐事主購買，認為「50萬，超過300尺，40年樓，上水有東鐵，如果經濟冇問題，一定買」。該網民指自己購入後花了40萬元大裝修，現在住得「好舒服，買嘢好方便」，又言「就算外圍要維修都唔會夾太多錢，因為戶數多，每戶平分唔會太貴。」
「買樓同人生一樣睇彩數」
有網民亦支持樓主由租轉買：「幾殘舊嘅屋都係自己物業。好過你住公屋……」另有人指，漏水問題可以透過維修解決，不用過分憂慮：「私樓好多都有漏水樓！買樓同人生一樣睇彩數。」
