更新時間：08:50 2025-08-26
發佈時間：08:50 2025-08-26
發佈時間：08:50 2025-08-26
《中年好聲音4》海選進行得如火如荼，昨日（8月24日）香港區海選第二輪，當中除了有袁彩雲叔叔、電影投資人李松華外，更有97年港姐冠軍翁嘉穗的富商老公、現年71歲的鄔友正。
臨比賽前「腳軟」冇信心
鄔友正表示為了參加《中年好聲音4》，提前三個月找老師苦練唱歌。雖然做好準備，但在海選前兩日，鄔友正發文指對比賽無信心：「仲有兩天便參加海選了，但今天居然腳軟了！今天在家，站在我老助手面前試唱，居然跟唔到拍子，又忘記歌詞！」
雖然他對比賽信心不足，但他就強調不會輕易放棄：「原來唱歌真是不能速成的，我只是練咗三個月，底子唔夠，面對評判，會緊張，會亂咗拍子，到時會手足無措，出醜在人前！想起都心寒！退選是最容易的路！但好難得同一班唱歌高手同台比賽，唔捨得放棄！」
延伸內容 : 鄔友正70露晒肌晒水着！自揭「公屋仔」身世！爆投資損手贏粒糖輸間廠：「我唔係大富豪！」
撐著拐杖現身《中年好聲音4》
鄔友正昨日（8月25日）在社交網晒出參加海選照片，並發長文告別《中年好聲音4》：「昨晚比賽大失水準，是時候同中年好聲音四說再見！」
相中可見，鄔友正撐著拐杖現身，太太翁嘉穗一直陪伴在側，為他拍照及打氣。鄔友正表示早前一家到歐洲旅行前夕，不慎跌倒而腳板骨折，當時醫生表示他要休養4個月。
總結面試嚴重失準 3大因
另外，鄔友正就此次比賽總結失準的三大原因：「一，上個月跌到骨折，唱歌時腳痛，唔夠集中！二，臨急抱佛腳，天天練唱歌，唱到喉嚨都沙咗！欲速不達！三，這是最重要的一點！7天前立咗決心戒口，只食健康的東西，以免影響唱歌！可是前天，一時大意，忍唔住口，食咗大量魚生！因為腹瀉，整晚要起身去廁所，瞓唔到覺！ 比賽那天也要不停去廁所，好辛苦，腳都軟埋，輕咗 2kg！」
最Hit
