更新時間：13:30 2026-10-24
發佈時間：13:30 2026-10-24
發佈時間：13:30 2026-10-24
今屆環球小姐冠軍周婷，當選後便孭起推廣香港的重任，稍後11月更會遠赴波多黎各，參加《第75屆環球小姐世界總決賽》，跟百多名來自不同國家的佳麗一較高下。早前，她便相約亞軍梁藝齡和季軍梁聖童到黃竹坑茶敘；席間，「雙梁」還預祝她凱旋而歸。
雖然正在備戰階段，但周婷日前竟然現身「深水埗明哥」的食肆。現場所見，她一到埗即自動波，將不同的餸菜和白飯盛入飯盒內，然後再將生果放入膠袋，分好一份份；跟着，她再聯同大隊到附近派給露宿者。即使用了足足3個多小時才完成工作，但她全程都非常投入。
據工作人員透露︰「周婷當日原本帶咗條環球小姐嘅冠軍彩帶過嚟，但最後覺得唔適合，所以冇戴，好有分寸。另外，佢同環球小姐團體仲有加錢買餸，嗰日加咗鮑魚。佢不但出錢，又出力，啲義工不斷叫：『靚女，休息吓，唔好做咁多粗重嘢！』但佢都冇停手。」明哥都有向周婷分享派飯的經驗，而她體驗過後坦言︰「好有意義，我會將相關嘅片段帶去環姐大會，香港人好熱心，基層幫基層。我好少接觸露宿者，希望佢哋身體健康，可以好快換個好環境。」不愧係人美心善！
最Hit
