發佈時間：12:00 2025-08-26
由人氣組合Boyz成員淪落到長期財困，前英皇歌手張致恒（Steven）與太太區燕雯（雯雯），一家六口生活捉襟見肘。早前，雯雯又在社交平台連發「再見殘酷世界」、「不要給希望、不要逼到絕望」等灰暗帖文，不禁令外界為之擔憂。
《東周刊》就獨家發現，Steven近日已經由拉電纜工人，轉做送電器的咕喱。日前，他在黑雨中負重送貨，縱使淋到變「落湯雞」，仍落力搬運重型雪櫃。為了養家，只能付出苦力賺取更多的收入，Steven坦言：「我唔怕辛苦，呢份工令我搵到存在感！」
家庭長期缺錢 幸得客人送暖
日前黑雨警告期間，《東周刊》直擊張致恒（Steven）冒雨送貨。為免阻礙搬貨進度，他寧願不穿雨衣，渾身濕透地與司機有默契地配合，將一件件電器迅速搬上搬落，並且步速驚人不見吃力。即使要獨自搬運雪櫃上唐樓，但Steven仍咬緊牙關，迅速背起就行；跟着，他還需要將舊的雪櫃抬落樓，再運上貨車，這樣才算完成一單工作。一個多小時內，他匆忙地跑了數趟，直至下午3時才有時間上車吃飯盒充飢，難怪他餓得狼吞虎嚥。
Steven向《東周刊》表示，由於入不敷支，家庭長期缺錢，但又要買奶粉和尿片，又要交租及支付外傭薪金，所以被逼求助於人，其實他的內心既尷尬又無奈：「𠵱家每日除咗人工，仲有少少貼士，搬樓梯費都係自己袋，可以有錢隔日買罐奶粉。」體力勞動雖然辛苦，但卻讓他找到存在感：「咁樣賺番嚟嘅錢最實在，感覺自己仲存在喺世界上！」他更強調：「我唔怕辛苦，只怕冇飯食冇力搬。即使扭傷肩膊，貼塊膏布就繼續工作。」最感動的是遇到客人送上溫暖：「試過有婆婆好溫暖咁拍住我講：『唔緊要，乖乖地做得㗎喇！』亦有人認得我，衝出嚟俾50蚊貼士我，甚至舀湯我飲。」
新老闆雪中送炭 預支薪水租屋住
做了搬運工人一個月來，Steven意外地減肥成功，連手臂肌肉也結實了。因為收工後要馬上回家接力湊仔，等待4名兒子安睡後才有時間吃晚飯，故往往累到草草以腐乳送飯便休息。問到老婆區燕雯﹙雯雯﹚可會心痛？他笑說：「唔會肉赤，佢每日只會問：『幾點收工呀？快啲返嚟幫手湊仔啦！』」他直言體恤老婆也辛苦，夫妻應該互相體諒。
對於雯雯早前的灰暗帖文，以及接受庇護的來龍去脈，Steven首度開腔揭露細節：「原先舊屋嘅租約到期後，因未能即時搵到平價單位，社工建議暫住庇護中心，但中心只收容女性同小孩，於是乎我要同老婆分開住。」幸好，經歷兩星期奔波後，終以月租9千元覓得新居所，他感激新老闆雪中送炭：「老闆預支薪水解決我搬屋開支，我每月扣糧還款。原來世界仲有好多好人！同事合作得又好開心，工作期間有說有笑，佢哋仲幫我手搬屋。」
面對長期嚴重財困，有朋友曾建議Steven將4名兒子暫時交予保良局照顧，讓夫婦專心工作賺錢。對此，他堅定地拒絕：「𠵱家係辛苦，但做得老竇一定會負番責任！因為我好愛我啲小朋友。」他還帶點激動的說：「一定唔會放棄！一世都唔會！啲仔係我條命嚟，我點都唔會同佢哋分開！」他又感慨道：「𠵱家只會努力賺錢養家，連最鍾意嘅掟飛鏢都戒埋。」
雯雯頻繁負面貼文 張致恒見步行步
提到「離婚界KOL」老婆雯雯頻繁的負面貼文，Steven深表體諒：「每個人都會有情緒，按唔住好正常。」他坦言現階段目標是慢慢令屋企和諧：「其實邊個鍾意問人借錢先？但現時全港個個都係咁㗎啦！」至於如何挽救形象？他直言已被定型就好難：「就算係做得幾好，喺人哋心入面都係嗰個形象，只能盡能力做好自己，冇得改變人哋嘅睇法。隨緣啦，其實我經已習慣做一個普通人嘅生活。」
雖然目前從事體力勞動的工作，但Steven仍懷念演藝工作：「我都想做番呢行，但目前時勢做普通人會舒服過做藝人。做藝人爭崩頭先有機會，可能維持夢想要食樹皮，加上有家庭要照顧，唔可以講夢想，惟有見步行步，盡量賺多啲。」Steven堅信，只要不放棄，總有機會行番好條路，現正等候捱出一個機會。
延伸內容 : 娛樂圈多仔公逐個數 陳Bob林盛斌養5個最吃力 張致恒收入不穩最頭痕
延伸內容 : 直擊一樓一鳳門口 七仙羽教張致恒跳「戒淫邪舞」
延伸內容：張致恒抹唔甩地盤膚色 黑得有道理
延伸內容：揭張致恒 街頭拉電纜日賺1千蚊
延伸內容：張致恒40歲生日 雯雯照放負：死唔可怕，最緊要大家齊整
