更新時間：17:43 2025-08-23
發佈時間：17:43 2025-08-23
發佈時間：17:43 2025-08-23
才剛於2021年底入伙的粉嶺皇后山邨，皇匯樓即有單位門被貼出收回單位告示，有匿名樓主於21日在facebook群組「皇后山之友」上載告示照片，隨即引發網民猜測﹕「咁快俾人收返，衰咩？」
告示：此房舍經由房屋署收回
從樓主分享的照片中可見，告示貼於單位的鐵閘外，內容是「此房舍經由房屋署收回任何闖入者將被驅逐或檢控。房屋署示」。
網民：咁快俾人收返，衰咩？
帖文隨即引發網民好奇，紛紛猜測戶主為何這麼快便被收回單位﹕「富咗」、「無錢交租」、「似無喺度住多啲」、「好明顯就俾人趕走」、「一係發達一係犯法一係自願交返出嚟」、「我覺得係入伙後，房署發覺佢收入不符合」、「個人認為可能佢哋已經過咗限額，或者人哋已經有樓無申報，收樓係必然」。
有人則指出「有舉報獎金收回很多單位」，並提醒「濫用公屋，死路一條」。另有經常在邨內出入的外賣員留言，指「條邨真係多，只係無人影出嚟，我送外賣見唔少」，並補充「沙田水泉澳，屯門欣田都唔少」。
有網民隨即附和稱「皇后山勁多渡假屋」、「水泉澳一樣，夜晚無乜燈開著」、「收咗一間只係冰山一角，仲有大把呢啲渡假屋」。有網民怒道﹕「收得一間得一間！」
最Hit
